Matyu 5:43 - Enga Niu Tesamene

⁴³ “ ‘Embanya patali maki dupa auu kaeyapala, embanya yandapipi dupa imbu kaeyape’ lapae singi doko nyakamame siami.

Matyu 5:43 Referans Kwoze

Matyu 19:19

Embanya endangi takangepa dolapo anda-anda semaiyoo katape. Emba tange auu kaengeli pyoo, embanya patali maki dupa auu kaeyape lapae silyamo dupana” lea.

Jemesa 2:8

Kiŋi Jisasa dokonya loo doko Gotenya pii dokonya dapa lao pepa pyapae silyamo: “Emba tange auu kaengeli pyoo, embanya patali maki dupa auu kaeyapena” lapae silyamo. Dopana, loo doko nyakamame kiningi wata-minatamino doko, auu pitaminosa pita.

Matyu 5:21

“ ‘Embame endakali pyao kumasala naeyape. Pyao kumaseta endakali doko-kisa tenge setapala tanda maipengena’ lao, wamba nyakamanya yumbange dupa lamaiyami doko nyakamame siami.

Matyu 5:27

“ ‘Embame kepo kolala naeyape’ lapae singi doko nyakamame siami.

1 Jone 4:21

Gote auu kaeyata akali dokome baanya Kristene kaiminingi doko auwaka kaeyapengena lao, Goteme mana setapae doko naima dia.