Matyu 5:25 - Enga Niu Tesamene

²⁵ Emba kotimi lata endakali doko-pipa kote laa pao pituu, kaitinisa embame yapa baanya mona auu pisakamaipi. Dopa napitino doko, baame emba laminao pao jasa doko maitamopa, jasa dokome emba yanda singi doko maita. Dokopa yanda singi dokome emba anjinya pyandata.

Matyu 5:25 Referans Kwoze

Ibru 3:13

Koo pingi mana dupame nyakama minakasetamopa, tanga lao mona kana jetae nakatamana lao, indupa gii dakepa koteaka lao nyakama-lapo mende kyeto mai-mai pyoo kalyepape.

Ibru 3:7

Oli Spiritame dapa lelyamo: “Endakali napalenge yuu dokonya nyakamanya yumbange dupa Goteme makande piamopa, dupame baanya pii doko tanga lao mona kana jiamiliaka pyoo, indupa nyakamame baanya pii doko sepala, tanga lao mona kana jala naeyalapape.

Ibru 12:17

Isoame ee lao, baanya moeya nyepenge doko dina leamopa, baanya takangeme daa lea-pyaa. Daa leamopa, Isoame mona kapilyepenge kaitini mende kutao nakandea-pyomo doko nyakamame masilyamino.

2 Korina 6:2

Goteme lao pituu, “Gii epe mendenya nambame embanya pii doko sio. Pyoo nyingi gii mendenya nambame emba nisiona” lea-pyaa. Salapape! Gii epe mende lea-lumu doko indupa palelyamo. Pyoo nyingi gii mende lea-lumu doko indupa palelyamo.

Matyu 26:58

Dokopa Pita baa kuki londatili joo Jisasa watao pea. Pupala prisa mupa dokonya anda kamapu dokonya pyakamatala, piami dupa aipa pyoo, pyoo etasilyamipi lao kandatoo latala, yanda singi dupa-pipa petea.

Luku 18:3

Dokopa siti dokonya enda walyakae mende petea. Enda doko jasa katea dokonya ipupala lao pituu, ‘Nambanya yandapipi dokome namba kenda dilyamona tolasakapoko’ lao tondani pia.