Matyu 5:18 - Enga Niu Tesamene

¹⁸ Nambame nyakama kiningi langilyo: Yuupa kaitipa dolapo etala naeyatamopa, Mosesanya loo dupanya kuki etete mendaipi mende alu napita. Dupa alu napyoo soaka pao, dupa pitaka pyoo etatamo gii dokonya tuu lata.

Matyu 5:18 Referans Kwoze

Luku 16:17

Yuupa kaitipa dolapo mee petala etapengeaka doko, Mosesanya loo dupanya mendaipi mende isa napata.

1 Pita 1:25

Dopaka doko, Kamongonya pii doko etala naeyao, tanga-tangapi sulu setana” lapae silyamo. Kamongonya pii doko, wai pii epe nyakama langiamino dokoaka.

Make 13:30

Nambame nyakama kiningi langilyo: Endakali indupa palelyamino dupa kumao etala naeyataminopa, lelyo dutupa pitaka pita.

Revelesene 20:11

Dokopa kiŋi petenge toko andake kyeo lapae mende sia dokonya akali mende peteamo kandeo. Akali dokonya enombanya yuupa, kaitipa dolapo paka peambinopa, dolapo sepenge panda mende nasia.

Jone 5:19

Dokopa Jisasame dokaita lamaiyoo, “Nambame nyakama etete kiningi langilyo: Takange dokome kalai mende pilyamopa, Ikiningi dokome kandenge dokoaka Ikiningi dokome pingi. Ikiningi dokome iki masoo kalai mende napingi. Tenge dokonya, Takange dokome kalai pingili pyoaka Ikiningi dokome pingi.

Matyu 17:20

Dopa leaminopa Jisasame dokaita lamaiyoo, “Nyakamame Gote tungi napilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko yakane masete dii dopalepi mende-pyali doko, nyakamame yuu manda dake lamaiyoo, ‘Emba asa pituu omosa puu’ laminopa, lamiliaka pipyali. Dokopa nyakamame dopale mende pyaanya kokala naeyamili.

Matyu 16:28

Nambame nyakama kiningi langilyo: Endakali asa kalyamino dapuanya mendapu kumala naeyataminopa, Akalinya Ikiningi doko baanya kingdom doko-pipa ipatamopa kandatamina” lea.

Matyu 13:17

Nyakamame kandelyamino dupa, propetapi, endakali tolataepi, longo mendapuame kandamu laka lao masiamiaka doko, angi nakandeami. Pii nyakamame silyamino dupa simu laka lao masiamiaka doko, angi nasiamina lao nambame nyakama kiningi langilyona” lea.

Matyu 10:23

Dopana, endakali dupame taono mendenya nyakama tanda dyoo koeyasiami-kandeno dokopa, nyakamame taono doko yakinatala mendenya paka pupape. Israele yuu dokonya taono dupa pitakanya nyakamame kalai pyoo etala naeyataminopa, Akalinya Ikiningi doko ipatana lao nambame nyakama kiningi langilyo.

Matyu 6:2

Mana tolatae miningi manemane pingima endakali dupame nyakama lalyimili lao masetala, lotuu andapi, taononya kaitini yakanepi, dupanya endakali daa jepae dupa panao maingima. Nambame nyakama kiningi langilyo: Dopa pingima endakali dupame nyakamanya yole doko nyepelyaminona, embame dopa napipi.

Matyu 5:26

Anjetae paliu, koteme maipi latami dutupa maiyoo etatenopa, emba mokatamina lao nambame emba kiningi langilyona” lea.

Jone 21:18

Nambame emba etete kiningi langilyo: Wamba emba wane kole kateeno dokopa, emba tange yonge pee dupa nyoo petala, patoo lao masiino dupanya pee. Dopaka doko, emba lyanga jete gii dokopa, embanya kingi dolapo tinokotenopa, endakali waka mendeme embanya yonge pee doko nyoo petakala, emba napatoo lao masete panda dokonya laminao patana” lea.

Jone 16:23

Gii dokopa nyakamame namba-kisa dopale mende tee laa naeyatami. Takange doko-kisa nambanya kengenya dopale mende nyakamame tee lataminopa baame nyakama ditana lao nambame nyakama etete kiningi langilyo.

Jone 16:20

Nambame nyakama etete kiningi langilyo: Isa yuu dakenya endakali dupa eteke pyao mona yaepao katataminopa, nyakama yamataka lao ee lao katatami. Nyakama mona kenda kaeyao katatamiaka doko, tanga nyakama mona yaepao katatami.

Jone 14:12

Nambame nyakama etete kiningi langilyo: Nambame kalai pilyo dupa pitaka namba tungi pyatami endakali dupame pitami. Nambanya Takange doko katenge dokonya namba pelyo dokome, kalai pipupa kandamino dupa ita minao, nyakamame kalai etete andakele mendapu pitami.

Jone 13:38

Dokopa Jisasame baanya pii yanu pyakamaiyoo, “Namba kumapenge dokonya kiningi emba alo pyoo kumatepe? Nambame emba etete kiningi langilyo: Yaka pauli pii laa naeyatamopa, paa tepomasa embame namba nakandengena laapenona” lea.

Jone 13:16

Nambame nyakama etete kiningi langilyo: Kalai akali mendeme baanya isingi akali doko ita naminingi. Wai minao penge endakali mendeme wai minao pena lenge endakali doko ita naminingiaka.

Jone 12:24

Nambame nyakamba etete kiningi langilyo: Wita dii mende isa yuunya kopo latala kumilya dokome langa latala dii longo mandenge. Dopaka doko, wita dii mende isa yuunya kopo latala kumala naelya doko dii mendai dokoaka iki singi.

Jone 10:7

Dopa piaminosa Jisasame deaka dokaita lamaiyoo, “Nambame nyakama etete kiningi langilyo: Sipisipi dupa kolandapenge kalomba doko namba.

Jone 10:1

Jisasame lao pituu, “Nambame nyakama etete kiningi langilyo: Endakali mende sipisipi kamenya andakote ipanya, sipisipi lumbao nyingi kalomba dokonya-kaita naepenya, waka mendasa-kaita kisoo pyakanatamo doko, baa makongao, pake nao paenge mende.

Jone 8:58

Dokopa Jisasame dokaita lamaiyoo, “Nambame nyakama etete kiningi langilyo: Abraame manja naengesa, namba wamba-waka kateo dokoaka katengena” lea.

Jone 8:51

Nambame nyakama etete kiningi langilyo: Endakali mendeme nambanya pii doko wata-minatamo doko, baa tanga-tangapi kumingi doko nakandatana” lea.

Jone 8:34

Dopa leaminopa Jisasame yanu pyakamaiyoo, “Nambame nyakama etete kiningi langilyo: Endakali koo pingi dupa pitaka koonyaka kendemane katengema.

Jone 6:53

Dokopa Jisasame dokaita lamaiyoo, “Nambame nyakama etete kiningi langilyo: Akalinya Ikiningi dokonya yonge taeyokopa dolapo nyakamame nanatamino doko, lete katenge doko nyakama-kisa naseta.

Jone 6:47

Nambame nyakama etete kiningi langilyo: Namba tungi pingima endakali dupa-kisa lete etete katenge doko singi.

Jone 6:32

Dokopa Jisasame dokaita lamaiyoo, “Nambame nyakama etete kiningi langilyo: Kaiti-kisa-tae breta doko Mosesame nyakama nandia. Nambanya Takange dokome kaiti-kisa-tae breta angi doko nyakama dingi.

Jone 6:26

Dokopa Jisasame dokaitanya pii yanu pyakamaiyoo, “Nambame nyakama etete kiningi langilyo: Nambame mirakolo pipupa kandamino dokonya, nyakamame namba kutao naepelyamino. Nyakama breta nao tiaka kaeyamino dokonya, namba kutao epelyamino.

Jone 3:11

Nambame emba etete kiningi langilyo: Naimame masingipi, kandengepi dupa lao panamanopa, naimanya pii dupa nyakamame soo nanyilyamino.

Jone 3:5

Dopa leamopa Jisasame yanu pyao, “Nambame emba etete kiningi langilyo: Endakipa Spiritapa dolapome endakali mende ŋaŋa joo manja naeyatamo doko, Gotenya Kingdom dokonya kapa pao kolandala naeyata.

Jone 3:3

Dopa leamopa Jisasame baanya pii yanu pyakamaiyoo, “Nambame emba etete kiningi langilyo: Endakali mende dee ŋaŋa joo manja naeyatamo doko, Gotenya kingdom doko baame kapa pao nakandatana” lea.

Jone 1:51

Dopa latala Jisasame lao pituu, “Nambame nyakama etete kiningi langilyo: Kaiti doko lumbapae setamopa, Akalinya Ikiningi doko-kisa Gotenya enjele dupa lalyoo lanao pyoo katataminopa nyakamame kandatamina” lea.

Luku 23:43

Dokopa Jisasame baa lamaiyoo, “Nambame emba kiningi langilyo: Indupaka emba namba-pipa Gotenya yuu etete epe dokonya kalyambanona” lea.

Luku 18:29

Dopa leamopa Jisasame dokaita lamaiyoo, “Nambame nyakama kiningi langilyo: Akali mendeme Gotenya kingdom doko masetala, baanya andapi, endangi takangepi, kaiminingipi, endapi, wane wanakupi, dupa yakinatamo dokome,

Luku 18:17

Nambame nyakama kiningi langilyo: Gotenya kingdom doko wane wanakupi koo mendeme nyingili pyoo, endakali mendeme nanyetamo doko, baa Gotenya kingdom dokonya kolandala naeyatana” lea.

Luku 13:35

Salapape! Nyakamanya anda doko kua kalyamo. ‘Akali mende Kamongonya kengenya epelyamo doko Goteme auu pisetaena’ lao nyakamame latami gii dokopa, nyakamame namba kandatamina lao nambame nyakama langilyona” lea.

Luku 12:37

Akali andake doko ipupala kandatamopa, luu palya naeyao malisetae katatami kalai akali dupa baame auu piseta. Nambame nyakama kiningi langilyo: Baanya kalai pyaanya yonge pee pingi doko lakao muu pyoo petala, dokaita tokonya petena latala nee nena lao nyoo maita.

Luku 11:51

Abelenya taeyoko kai lea gii dokonya pituu, lotuu anda nee nyetae dokopa, alta dokopa, dolaponya kainanya kumia akali Sakaraeya dokonya taeyoko kai lea gii dokonya tuu lao, dokaitanya tenge dupa endakali indupa palelyamino dupa-kisa ipatana lao nambame nyakama kiningi langilyo.

Make 14:30

Dopa leamopa Jisasame baa lamaiyoo, “Nambame emba kiningi langilyo: Indupa kuka gii dakepa, yaka pauli pii lapo pyoo doko ene laanya pitamopa, paa tepomasa embame namba nakandengena laapenona” lea.

Make 14:25

Nambame nyakama kiningi langilyo: Namba dee waene nala naeyaowaka katao, Gotenya kingdom dokonya waene enenge doko natona” lea.

Make 14:18

Ipupala nee nao pituu, Jisasame dokaita lamaiyoo, “Nambame nyakama kiningi langilyo: Nee nao pilyamano dakenya mendeme namba yandapipi dupanya kinginya maiyapomona” lea.

Make 14:9

Nambame nyakama kiningi langilyo: Wai pii epe dake lao panatami yuu dupa pitakanya, enda dakeme pyomo doko lamaitaminopa, endakali dupame baa masetamina” lea.

Make 12:43

Dokopa Jisasame baanya disaipolo dupa epena latala lamaiyoo, “Nambame nyakama kiningi langilyo: Opaa pyandenge penge dokonya enda walyakae daa jepae dakeme muni pyandalamo dokome, endakali waka dupame muni pyandalamino dupa pitaka ita minao pyandalamo.

Make 11:23

Nambame nyakama kiningi langilyo: Endakali mende mona lapo palya naenya, baanya pii latamoli pyoo kiningi pyaapomona lao masetala, yuu manda dake lamaiyoo, ‘Emba sakatatala, solowatanya pyakala puu’ latamopa, kiningi lataliaka pita.

Make 10:29

Dopa leamopa Jisasame yanu pyao, “Nambame nyakama kiningi langilyo: Akali mendeme nambapa, wai pii epe dokopa, dolapo masetala, baanya andapi, kaiminingipi, pimalengepi, takangepi, endangipi, endapi, wane wanakupi, eepi, dupa yakinatamo dokome andapi, kaiminingipi, pimalengepi, endangipi, wane wanakupi, eepi, dupa wakao 100 lao baa indupa gii dakepa nyalapomo. Nyepatamopa, endakali mendapuame baa tanda maiyoo koeyasoo katatami. Yuu enenge ipata dokonya baa lete etete katenge doko nyetaka.

Make 10:15

Nambame nyakama kiningi langilyo: Gotenya kingdom doko wane wanakupi koo mendeme nyingili pyoo, endakali mendeme nanyetamo doko, baa Gotenya kingdom dokonya kolandala naeyatana” lea.

Make 9:41

Nyakama Kraisa tata-lamona latala, endakali mendeme nambanya kengenya kapo mendenya endaki kamuu nyakama dita dokonya yole doko alu napyoo, sulu setana lao nambame nyakama kiningi langilyona” lea.

Make 9:1

Dopa latala Jisasame dokaita lamaiyoo, “Nambame nyakama kiningi langilyo: Endakali asa kalyamino dapuanya mendapu kumala naeyataminopa, Gotenya kingdom doko kyeto doko-pipa panao ipatamopa kandatamina” lea.

Make 8:12

Dopa leaminopa Jisasa mona kenda kaeyapala lao pituu, “Aipuma endakali indupa palelyamino dupame mirakolo mende kandamana nambame pii lelyami? Nambame nyakama kiningi langilyo: Mirakolo mende nakanjaminona” lea.

Make 6:11

Yuu tange dupame nyakama auu kaeyao lanyala naeyao, nyakamanya pii doko nasoaka piami-kandeno doko, endakali taono dokonya tange dupa-kisa tenge sipya-lamo lao kandena, yuu doko yakinatala patami dokopa, nyakamanya mokonya yuu katata dupa lyanda lanya setapala pupape. Goteme endakali dupa yapatamo gii dokopa, Sodomopa, Gomorapa dolaponya tange dupa tanda andake maitaka doko, taono dokonya tange dupa tanda eteteaka andake maitana lao nambame nyakama kiningi langilyona” lea.

Make 3:28

“Nambame nyakama kiningi langilyo: Endakali dupanya koo pingipi, lao nepengepi dupa pitaka Goteme kunao nepakamaita.

Matyu 25:45

Dopa lataminopa kiŋi dokome dokaitanya pii yanu pyakamaiyoo, ‘Nambame nyakama kiningi langilyo: Nyakamame endakali datupanya kenge nasingi mende nisala naeyamino dokome, namba nisala naeyaminosaka piana’ lata.

Matyu 25:40

Dopa lataminopa kiŋi dokome dokaitanya pii yanu pyakamaiyoo, ‘Nambame nyakama kiningi langilyo: Nambanya kaiminingi datupanya kenge nasingi mende nyakamame nisiamino dokome, namba nisiaminosaka piana’ lata.

Matyu 25:12

Dokopa baame yanu pyao, ‘Nambame nyakama kiningi langilyo: Nambame nyakama nakandengena’ lea.

Matyu 24:47

Nambame nyakama kiningi langilyo: Akali andake dokome baanya oapi dupa pitaka kalai akali dokomeaka isakao katena lata.

Matyu 24:2

Ipupala laitaka piaminopa Jisasame dokaita lamaiyoo, “Datupa pitaka kandelyamipi? Nambame nyakama kiningi langilyo: Datupa pitaka dopa petae katena lao kaeyala naenya kaluu nepataminopa, panda dakenya kana mendaipi mende namba-namba petae nakatatana” lea.

Matyu 23:36

Dopana, nambame nyakama kiningi langilyo: Dokaitanya tenge dupa endakali indupa palelyamino dupa-kisa ipatana” lea.

Matyu 21:31

Wane dolaponya andukumi takangenya masiali piape?” lea. Dokopa dokaitame baa lamaiyoo, “Wane mupa dokomena” leami. Dopa leaminopa Jisasame dokaita lamaiyoo, “Joneme mana tolatae dupa leamopa, nyakamame kiningina lao masala naeyami. Dopaka doko, takisa nyingipi, enda muni nyoo akali nyala paengepi, dupame Jonenya pii dupa kiningina lao masiaminopa, nyakamame kandeami. Dopaka doko nyakamame kandatala, nyakama mona aloo petala baanya pii dupa kiningina lao masala naeyami. Tenge dokonya, takisa nyingipi, enda muni nyoo akali nyala paengepi, dupa Gotenya kingdom dokonya wambao puminopa, nyakama napelyaminona lao nambame nyakama kiningi langilyona” lea.

Matyu 21:21

Dopa leaminopa Jisasame dokaitanya pii yanu pyakamaiyoo, “Nambame nyakama kiningi langilyo: Nyakama mona lapo palya naeyao Gote tungi pyatamino doko, nambame piki ita dake pilyoli pyoo nyakamame pitami. Nyakamame doko iki pyaa naeyatami. Nyakamame yuu manda dake lamaiyoo, ‘Emba sakatatala, solowatanya pyakala puu’ lataminopa, kiningi doko solowatanya pyakala pataka.

Matyu 19:28

Dopa leamopa Jisasame dokaita lamaiyoo, “Nambame nyakama kiningi langilyo: Goteme yuupa kaitipa dolapo enenge jisetamo gii dokopa, Akalinya Ikiningi doko baanya kiŋi petenge toko dokonya tii pipae-pipa pitita. Gii dokopa nyakama namba watao paeyamino dupa kiŋi petenge toko 12 dutupanya pititami. Dokonya pituu, Israele tata 12 dutupanya pii lao tolasakamaitami.

Matyu 19:23

Dokopa Jisasame disaipolo dupa lamaiyoo, “Nambame nyakama kiningi langilyo: Yuunya kamongo dupa kingdom kaiti-kisa singi dokonya kolandalanya lekeleke tatami.

Matyu 18:18

Nambame nyakama kiningi langilyo: Nyakamame dopale mende isa yuu dakenya yaki pitamino doko, kaiti-kisa yaki petaeyaka seta. Nyakamame dopale mende isa yuu dakenya tata latamino doko, kaiti-kisa tata lataeyaka seta.

Matyu 18:3

dokaita lamaiyoo, “Nyakamanya mana dupa aloo petala, wane wanakupi koo joo nakatatamino doko, kingdom kaiti-kisa singi dokonya kolandala naeyatamina lao nambame nyakama kiningi langilyo.

Matyu 11:11

Nambame nyakama kiningi langilyo: Endame mandipae endakali mendaipi mendeme Jone kaimbu pingi doko ita minao nakalyamo. Dopaka doko, endakali etete kenge nasingi mende, kingdom kaiti-kisa singi dokonya kalyamo dokome Jone ita minao kalyamo.

Matyu 10:42

Endakali mendeme endakali anasale joo katengema datupanya mende nambanya disaipolo mende-lamona latala, endaki kii napae kapo mendai iki kamuu maita dokonya yole doko alu napyoo, sulu setana lao nambame nyakama kiningi langilyona” Jisasame lea.

Matyu 10:15

Goteme endakali dupa yapatamo gii dokopa Sodomopa, Gomorapa tange dupa tanda andake maitaka doko, nyakamame yuu lyanda lanya setatami taono dokonya tange dupa tanda eteteaka andake maitana lao nambame nyakama kiningi langilyona” lea.

Matyu 8:10

Dopa leamopa, Jisasame pii doko sepala baa walu lea. Walu latala endakali baa watao epeami dupa lamaiyoo, “Nambame nyakama kiningi langilyo: Akali dakeme namba tungi pilyamoli pyoo, Israele mendeme namba tungi pyaminopa nambame nakandapu.

Matyu 6:16

“Nyakamame loma soo nee nanao katao, mana tolatae miningi manemane pingima dupame pingimali pyoo, enomba kumala naeyalapape. Dokaita nee nanao kalyamini-lamo lao endakali dupame kandena lao, dokaita enomba kumapae paengema. Dopa pingima endakali dupame nyakamanya yole doko nyepelyaminona lao nambame nyakama kiningi langilyo.

Luku 4:24

Nambame nyakama kiningi langilyo: Propeta mende baanya yuu dokonya kalyamopa, endakali dupame baa auu kaeyao lanyala naengema.