Matyu 5:16 - Enga Niu Tesamene

¹⁶ Dopaka pyoo, tii pipae nyakama-kisa silyamo doko endakali waka dupame kandena lao kalyepape. Dopa pitaminopa, nyakamanya kalai epe pitami dupa endakali dupame kandatala, nyakamanya Takange kaiti-kisa katenge doko kenge andake maitamina” lea.

Matyu 5:16 Referans Kwoze

1 Pita 2:12

Nyakama koo pingimana lao kamalya katenge dupame lataminopa, nyakamame dupanya kainanya mana epe dupa minao kalyepape. Gote ipata gii dokopa, nyakamame mana epe miniami-lamo lao kamalya katenge dupame kandatala, Gote mambo pyataminopa lao, mana epe dupa minao kalyepape.

Taitusa 2:7

Embame kalai piti dupa pitakanya, mana epe dupa endakali dupame kandena lao, panao pyoo katape. Embame kopeta mana lelyenona lao endakali dupame laa naena lao, embame male-male nalao, mona lapo palya naeyao, koeyala naeyao, kiningi pii doko lao mana lamaiyoo katape. Tanga lenge endakali dupa elya kaeyapala, naima pii koopi mende laa naena lao, kiningi pii doko embame mana lamaiyoo katape.

Jone 15:8

Nyakama dii longo mandyoo nambanya disaipolo katataminopa, nambanya Takange doko kenge andake nyeta.

Epesusa 5:8

Wamba nyakama iminjetae dokonya kateami. Dopaka doko, nyakama indupa Kamongo-kisa katao tii pipae dokonya kalyamino. Dopana, nyakama tii pipae dokonya wane kalyepape.

1 Pita 4:14

Kraisa wata-minilyamino latala, nyakama pii koo lataminopa, Goteme nyakama auu pisimupa, baanya Spirita tii pipae doko nyakama-kisa kalyamona lao masalapape. Dupame Gote kenge koo mailyaminoaka doko, nyakamame baanya kenge doko minalyilyamino.

1 Pita 2:9

Dopaka doko, nyakama Gotenya yapao nyepae, kiŋinya prisapi, akali tata baanya lataepi, dupa Gotenya etao kalyamino. Gotenya mana etete epe dupa dopalena lao, lao panalapale lao, nyakama iminjetae doko yakinatala, baanya tii pipae etete epe dokonya ipupale lao wii lao nyia.

Taitusa 3:14

Naimanya endakali dupame kalai dii namandipenge dupa kaeyapala, endakali yapa nisepenge jeta dupa yapa nisemana lao, kalai epe pipenge dupa yakinala naeyao mana nyina lamaipi.

1 Timoti 6:18

Yuunya kamongo dupame mana epe minao, kalai epe dupa longo lao pyoo, pyakilyala naeyao endakali dupa longo lao mokosoo maiyanya depa latae katena lao lamaipiaka.

2 Korina 9:13

Nyakamame Kraisanya wai pii epe doko lao panata, wata-minata pilyamino dokopa, endakali Gotenya latae Jerusalema kalyamino dupapi, endakali wakapi, dupa longo lao mailyamino dokopa, dolapo endakali Gotenya latae Jerusalema kalyamino dupame kandatala, yaka pilyamino lao Gote kenge andake maitami.

Epesusa 2:10

Goteme wamba kalai epe depa laanya setea dupa naimame pyoo Jisasa Kraisa-kisa katataminopa lao, baame naima pyoo wasia-pyaa. Dopa pia dokonya, naima Gotenya pyoo wasepae kalyamano.

Ibru 10:24

Minatae katao, endakali dupa auu kaengepi, kalai epe dupa pipengepi, dupanya aipa petala naima-lapo mendenya mona yaka lasa-lasa pyoo katamanape lao masemana.

1 Pita 4:11

Gotenya pii doko lamaina lao endakali mende kyeto maita dokome, Gotenya pii doko lamailyona lao masoo lamaipenge. Endakali nisina lao endakali mende kyeto maita dokome, Goteme kyeto maitali pyoo endakali dupa nisepenge. Nyakamame dopa pitaminopa, Jisasa Kraisa-kisa Gote kenge andake nyeta. Tii pipae dokopa, kyeto dokopa, dolapo tanga-tangapi baanyaka. Doko kiningi.

1 Pita 3:1

Dopaka pyoo, nyakama enda dupame nyakamanya akalingi dupanya pundipundi pilyepape. Nyakamanya akalingi dupanya mendapuame Gotenya pii doko nepengema-tamo doko, dupame kandatala mona kapilyina lao, nyakamame piipi mende lamaiya naenya, Gote paka kaeyao, nyakama-kisa kuni nasina lao wandyoo pilyepape.

Aposole 9:36

Jopa dokonya disaipolo enda Tabita lenge mende petea. (Baa Giriki piimi Dokasa lengema.) Baame koteaka lao oapi dupa endakali daa jepae dupa maiyoo, mana epe minao petea.

1 Timoti 5:25

Dopaka pyoo, endakali mendapuame panao kalai epe pilyami dupa endakalimi kandengema. Dopaka doko, endakali mendapuame yalo pyoo kalai epe pitami dupa tanga yalo petae nakatata.

Matyu 5:45

Dopa pitami dokome, nyakamanya Takange kaiti-kisa katenge dokonya nyakama ikiningi katatami. Baame endakali koopi, epepi dupa pitaka-kisa baanya niki doko tapina lenge. Baame endakali mana tolatae miningipi, mana koo miningipi dupa pitakanya lao aiyuu epena lenge.

Taitusa 2:14

Loo yalenge mana dupa pitakanya naima anjetae paleamanopa, naima Kraisa tata katao, mana epe dupa nee kaeyao minao kalyepale lao, Kraisa kumiamo dokome, naima mokao nyepala, naima-kisa koo mende nasina lao pyoo wasia.

1 Timoti 2:10

Gote wata-minilyamano lengema enda dupame kalai epe pitami dupame nyakama tange yati pyoo pitipenge.

Galesia 1:24

Nambame dopa lao kalyeno lapae doko sepala, dupame Gote kenge andake maiyami.

Taitusa 3:4

Dopaka doko, naima Pyoo Nyingi Gote dokome, baanya kondo kaenge dokopa, baanya auu kaenge dokopa, dolapo panasoo,

1 Korina 14:25

Dokopa baanya monanya yalo petae singi dupa panatamopa, baa tombauli sepala Gote mambo pyao, “Nyakamanya kaina dakenya Gote kiningi kalyamona” lata.

Luku 11:2

Dokopa baame dokaita lamaiyoo, “Nyakamame loma setami dokopa, dapa lao loma salapape: ‘Naimanya Takange kaiti-kisa katenge, embanya kenge doko auu pyoo lapa lape. Embanya kingdom doko epena lape. Kaiti-kisa embanya masingili pingima, dopaka pyoo isa yuu dakenya pyepa lape.

Matyu 9:8

Dopa piamo doko endakali kambu piami dupame kandatala, kyeto dopale dupa Goteme endakali dupa maiya-lamo lao walu lao paka kaeyapala, Gote mambo piami.

Matyu 23:5

Dokaitame kalai pilyami dupa pitaka endakali dupame kandamili lao masoo pingima. Dupame loma salanya pau andakele pyoo wasepae dupa pisoo paengema. Dokaitanya yonge pee kisa pingi dupanya punanya yati pipae londe pyoo anjinya pyandatae dupa pyoo paengemaka.

Matyu 6:16

“Nyakamame loma soo nee nanao katao, mana tolatae miningi manemane pingima dupame pingimali pyoo, enomba kumala naeyalapape. Dokaita nee nanao kalyamini-lamo lao endakali dupame kandena lao, dokaita enomba kumapae paengema. Dopa pingima endakali dupame nyakamanya yole doko nyepelyaminona lao nambame nyakama kiningi langilyo.

Matyu 23:9

Gote kaiti-kisa katenge doko iki nyakamanya Takangena, nyakamame isa yuu dakenya endakali mende ‘Takangena’ laa naeyalapape.

Matyu 6:9

Nyakamame dapa lao loma salapape: Naimanya Takange kaiti-kisa katenge, embanya kenge doko auu pyoo lapa lape.