Matyu 5:14 - Enga Niu Tesamene

¹⁴ “Nyakama yuu dakenya tii pyoo kalyamino. Yuu manda mendenya siti mende silya doko yalo pyoo nasingi.

Matyu 5:14 Referans Kwoze

Jone 8:12

Dokopa Jisasame deaka dokaita lamaiyoo, “Yuu dake tii pisingi doko namba. Namba watao ipata endakali doko-kisa lete katenge tii pipae doko setamopa, iminjetae dokonya baa napaeyatana” lea.

1 Tesalonaika 5:5

Tii pipae dokopa, kotaka gii dokopa, dolaponya nyakama ikiningi kalyamino. Kuka gii dokopa, iminjetae dokopa, dolaponya naima ikiningi nakalyamano.

Jone 12:36

Nyakama tii pipae dokonya ikiningi katamana lao, tii pipae doko nyakama-pipa kalyamino dokopa baa tungi pyalapape” lea. Jisasame pii dutupa lao etapala, baame dokaita yakinao pupala, yalo pyoo katea.

2 Korina 6:14

Jisasa tungi napingi endakali dupa-pipa nyakama tole pyatala mendai joo nakalyepape. Mana tolatae dokopa, loo yalenge mana dokopa, dolapome kalai aki mende tole pingimba? Tii pipae dokopa, iminjetae dokopa, dolapo tole singimbape?

Jone 5:35

Jone baa lama joo tao kateamopa, nyakama eteke pyao katamana lao masetala, gii kuki baanya tii pipae dokonya kateami.

Revelesene 1:20

Nambanya kingi tolaetena bui kalange kanjeno dutupapi, lama kaiyepae setenge golome wasepae kalange kanjeno dutupapi, dutupanya tenge yalo petae dupa dapale: Bui kalange dutupa, siosa kalange dutupanya enjele dutupa. Lama kaiyepae setenge kalange dutupa, siosa kalange dutupana” lea.

Jone 9:5

Namba isa yuu dakenya kalyo dakepa, namba isa yuu dakenya tii pipae doko kalyona” lea.

Revelesene 2:5

Dopana, emba isa pyakatala kateeno doko panda andusa katao pyakeope lao masepe. Dopa petala emba mona kapilyetala, kalai wamba piino dupa deaka pipi. Mona kapilyala naeyateno doko, namba emba katate dokonya yapa ipupala, embanya lama kaiyepae setenge doko nyoo nepato.