Matyu 4:19 - Enga Niu Tesamene

¹⁹ Dokopa Jisasame dolapo lamaiyoo, “Nyakambame pisa nyingimbali pyoo, endakali nyalapale mana langitoo, namba watao ipupa” lea.

Matyu 4:19 Referans Kwoze

Jone 12:26

Endakali mendeme namba masetala, nambanya kalai pyakatoo lao masetamo dokome namba watao ipupenge. Dokopa namba katato dokonya nambanya kalai akali doko nambapa tole katatamba. Endakali mendeme nambanya kalai pyakatamo doko, Takange dokome baa kenge andake maitana” lea.

Matyu 16:24

Dopa latala Jisasame baanya disaipolo dupa lamaiyoo, “Endakali mendeme namba watao ipatoo lao maseta dokome baa tange kame sepala, baanya poko ita doko tange nyoo soo namba watao ipupenge.

Luku 9:59

Dopa latala baame akali waka mende lamaiyoo, “Emba namba watao ipu” lea. Dopa leamopa akali dokome lao pituu, “Kamongo, wambao nambanya takange malu petala patoo kae” lea.

Jone 21:22

Dokopa Jisasame Pita lamaiyoo, “Nambanya auu kaengeme baa lenge tao katao, namba dee ipato gii dokonya tuu latana lao masoto doko embanya kalai mende daana, emba namba watao ipu” lea.

Jone 1:43

Yuu gii mende dokonya Jisasa baa Galali yuu dokonya patoo lao pea. Pupala, Pilipa kandao nyepala baa lamaiyoo, “Emba namba watao ipu” lea.

Luku 5:27

Maitakao Jisasa kamaka pyakalyetala pao pituu, takisa nyingi Lipai lenge mende takisa nyingi anda dokonya peteamo kandatala baa lamaiyoo, “Emba namba watao ipu” lea.

Make 2:14

Lamaitala baa kaita pao pituu, Alopiusa ikiningi Lipai baa takisa nyingi anda dokonya peteamo kandatala baa lamaiyoo, “Emba namba watao ipu” lea. Dokopa baa sakatatala Jisasa watao pea.

Matyu 19:21

Dopa leamopa Jisasame baa lamaiyoo, “Emba akali etete tolatae mende katapu laka lao maseteno doko, emba pupala, embanya oapi dupa salimi latala, endakali daa jepae dupa maipi. Maitinopa oapi epe dupa embanya kaiti-kisa sakata. Dopana, emba namba watao ipu” lea.

Matyu 9:9

Jisasa baa yuu doko yakinatala pao pituu, akali Matyu lenge mende, takisa nyingi anda dokonya peteamo kandatala baa lamaiyoo, “Emba namba watao ipu” lea. Dokopa baa sakatatala Jisasa watao pea.

Matyu 8:22

Dopa leamopa Jisasame baa lamaiyoo, “Endakali kumapae dupame nyakamanya kumapae yango dupa malu pina emba kaeyapala, namba watao ipu” lea.

2 Korina 12:16

Kiningi, nambame nyakama kenda pisala naeyo. Dopaka doko, nambame waa katao nyakama minakasoo sambo leana lao endakali mendapuame lelyamino.

Matyu 4:18

Jisasa baa Galali pete lemba dokonya pupala kandeamopa, Saimone kenge mende Pita lenge dokopa, baanya kaiminingi Andruapa, dolapo pisa nyingimba dokonyana, umbene mende endaki pete dokonya pyandao pisa nyoo kateambi.

Matyu 4:20

Dopa lalu piamopa, akali dolapome umbene dupa yakinatala, baa watao peambi.