Matyu 4:17 - Enga Niu Tesamene

¹⁷ Gii dokonya pituu, Jisasame tee pyao endakali dupa pii lamaiyoo, “Kingdom kaiti-kisa singi doko tengesa ipatelyamona, nyakama mona kapilyalapa” lao katea.

Matyu 4:17 Referans Kwoze

Matyu 3:2

“Kingdom kaiti-kisa singi doko tengesa ipatelyamona, nyakama mona kapilyalapa” lea.

Aposole 2:38

Dopa leaminopa Pitame dokaita lamaiyoo, “Nyakama pitaka Oli Spirita doko Goteme mee ditamopa nyalapalena, nyakama mona kapilyetala nyakamanya koo dupa kunao nepekena, Jisasa Kraisanya kenge dokonya kaimbu nyalapa.

Luku 5:32

Nambame endakali tolatae dupa wii lao nyalanya naepeo. Endakali koo pingi dupa mona kapilyina lao, wii lao nyalanya epeona” lea.

Luku 24:47

Baanya kenge dokonya koo dupa kunao nepena lao mona kapilyingi mana doko, Jerusalema katao tee pyao lamaitala, akali tata dupa pitaka lamaiyoo patana lao pepa pyapae silyamoaka.

Aposole 17:30

Wamba endakali dupame masala naeyao koo piami gii dupanya Goteme dokaita kandatala nakandele pyoo katea-pyaa. Dopaka doko, indupa baame yuu dupa pitakanya endakali dupa pitaka mona kapilyalapa lelyamo.

Matyu 9:13

‘Endakali dupame kundi iki dimi laka lao masala naelyo. Endakali dupa kondo kaeyami laka lao masilyona’ lapae singi dokonya tenge doko nyakamame pupala mana nyalapape. Nambame endakali tolatae dupa wii lao nyalanya naepeo. Endakali koo pingi dupa mona kapilyina lao, wii lao nyalanya epeona” lea.

Aposole 26:20

Endakali dupa mona kapilyetala, Gote-kisa pena lao wai pii epe doko, wambao Damasakasa tange dupa lamaitala, maitakao Jerusalema tangepi, Judia yuu dupa pitakanya tangepi, akali tata wakapi, dupa nambame lamaiyoaka. Lamaiyoo pituu, ‘Nyakamanya mana minatami dupame nyakama mona kapilyiamana lao panasoo kalyepape’ lao lamaiyoo paeyo.

Luku 15:7

Dopaka pyoo, endakali tolatae, dee mona kapilyala naeyapenge 99 dutupa kalyaminopa, kaiti-kisa auu kaeyapae singiaka doko, endakali koo pingi mendai mona kapilyilyamopa, kaiti-kisa auu kaeyapae andake mende singina lao nambame nyakama langilyona” lea.

Aposole 3:19

Dopa piana, Goteme nyakamanya koo dupa kunao nepekena, nyakama mona kapilyetala, baa kalyamo dokonya pupape. Dokopa nyakama kyeto nyoo auu kaeyapae kalyepale lao, nyakamanya lao makande lekea Jisasa Kraisa doko epena latamopa, Kamongonya enomba dokonya katao baa ipata.

Luku 15:10

Dopaka pyoo, endakali koo pingi mendai mona kapilyilyamopa, Gotenya enjele dupame auu kaeyapae andake nyingimana lao nambame nyakama langilyona” lea.

Aposole 20:21

Juupi, Girikipi dupa mona kapilyetala, Gote tengesa pupala, naimanya Kamongo Jisasa doko tungi pina lao kyeto joo panao lamaiyoo kateo doko nyakamame masilyaminoaka.

Ibru 6:1

Kraisanya lao pii manapi wambao nyepenge dupa naimame nyiamano dokonya, dupa deaka mana nyala naenya, endakali angimi mana nyepenge dupa nyemana. Kalai dii namandipenge dupa napimana lao mona kapilyingipi, Gote tungi pingipi, kaimbu nyingipi, aiyombanya kingi setengepi, endakali kumapae dupa sakatasingipi, Goteme endakali etao yapata dokopi, dupanya naimame dee pilyoo mana laa naeyamana.

Aposole 11:18

Dopa leamo sepala dokaitame pii mende lapenge nanjiamosa, Gote mambo pyao pituu, “Akali tata waka dupa mona kapilyetala, lete katenge doko nyina lao, Goteme kaitini mende setapya-lumuna” leami.

Matyu 25:1

Jisasame lao pituu, “Kingdom kaiti-kisa singi doko dapale: Gii mendepa akali mendeme baanya enda watapae pyala ipatoo lateamopa, wanaku mapukae akalita mendatupame nyakamanya lama dupa minao baa kandanyemana latala peami.

Matyu 13:47

“Kingdom kaiti-kisa singi doko dapaleaka: Umbene mende akali mendapuame endaki petenya pyandatala, pisa tata longo mendapu nyiami.

Matyu 10:7

Pao pituu, ‘Kingdom kaiti-kisa singi doko tengesa ipatelyamona’ lao nyakamame lamaiyepape.

Luku 9:2

Maitala Gotenya kingdom dokonya lao pii lamaiyoo, yaina pyapae dupa mee jakamaiyoo pina lao pena lea.

Matyu 11:12

Jone kaimbu pingi dokome pii lamaiyoo kateamo gii dokonya pituu, indupa tuu lao, endakali makongopae dupame kingdom kaiti-kisa singi doko nyakamanya kyetome yanda pyoo nyalanya pilyamino.

Matyu 13:24

Jisasame kongali pii mende apata dokaita lamaiyoo, “Kingdom kaiti-kisa singi doko, akali mendeme baanya eenya wita wai epe lyandeamo dopale.

Matyu 13:9

Nambame pii lelyo dutupa endakali kale katenge dupame sepengena” lea.

Matyu 13:11

Dokopa baame dokaitanya pii yanu pyakamaiyoo, “Kingdom kaiti-kisa singi dokonya pii tenge yalo petae dupa masalapale lao nyakama ditilyamo. Dopaka doko, endakali waka dupame masina lao namaiya.

Matyu 6:10

Embanya kingdom doko epena lape. Kaiti-kisa embanya masingili pingima, dopaka pyoo isa yuu dakenya pyepa lape.

Luku 3:23

Jisasa baa ee kana 30 leamopa, baanya kalai tee pia. Dopa piamopa, endakali dupame baa Josepenya ikiningina lao masiami. Josepe baa Eli ikiningi.