Matyu 3:9 - Enga Niu Tesamene

⁹ Nyakamanya moname dapa lao masala naeyalapape: ‘Abraame naimanya yumbange dokonyana, naima yaka kalyamanona’ lao masala naeyalapape. Nambame nyakama langilyo: Goteme kana silyamo dakaita Abraamenya wane jina lapyaliaka.

Matyu 3:9 Referans Kwoze

Luku 3:8

Endakali mona kapilyetae dupame mana miningimali pyoo, nyakamame mana minalapape. Nyakamanya moname tee pyao dapa lao masala naeyalapape: ‘Abraame naimanya yumbange dokonyana, naima yaka kalyamanona’ lao masala naeyalapape. Nambame nyakama langilyo: Goteme kana silyamo dakaita Abraamenya wane jina lapyaliaka.

Jone 8:33

Dokopa dokaitame baanya pii yanu pyakamaiyoo, “Naima Abraamenya puu dokonya mandipae dupa paa mendaipi mende endakali mendenya kendemane nakatengena, kiningi pii dokome naima mokao nyetana lao embame lelyeno doko, aipa pyoo lelyepe?” leami.

Roma 4:1

Naimanya takange Abraame-kisa yanu kepenge mana dokonya pia doko masetala, naimame aipa lama?

Aposole 13:26

“Dopana, kaimii paluma, nyakama Abraamenya mandipaenya mandipaepi, nyakama akali tata waka Gote paka kaengepi, dupame salapape. Goteme endakali dupa pyoo nyingi wai pii epe dake nyakama-kisa epena latea.

Luku 16:24

Kandatala baame wii lao, ‘Apane Abraame, namba ita yuli dakenya tao tanda andake nelyona, embame namba kondo kaeyapala, Lasarusame baanya kingi kondeme endaki mendalapo poeyanyetala, nambanya keke dake kii nasakala epena lamaiyakapoko’ lea.

Luku 5:22

Dopa lao masiami dupa Jisasame kandatala dokaita lamaiyoo, “Aipuma nyakamanya moname dopa lao masilyami?

Aposole 15:14

Goteme akali tata waka dupa baanya kenge dokonya lanyotoo latala, tee pyao dokaita kanja epea doko, dopa pyoo epeana lao Saimoneme naima langyomo.

Luku 19:40

Dopa leaminopa baame dokaitanya pii yanu pyakamaiyoo, “Endakali dakaitame pii nalamili doko, kana dupame puu lao wii lamilina lao nambame nyakama langilyona” lea.

Luku 7:39

Dopa pia doko Jisasa epena lea Parasi dokome kandatala masoo pituu, “Enda doko koo pingina, akali dake kiningi propeta-pyali doko, baa watandelyamo enda doko dopalena lao baame kandapyalina” lao masia.

Luku 12:17

Andeamopa baanya moname masoo pituu, ‘Nambanya nee mandyoo setapenge panda mende nasilyamo dokonya, nambame aipa pitoape?’ lao masia.

Jone 8:37

Nyakama Abraamenya puu dokonya mandipaena lao nambame masilyoaka doko, nambanya pii doko nyakama-kisa sepenge panda mende nasipya dokome, nyakamame namba pyao kumasepenge kaitini kutilyamino.