Matyu 27:11 - Enga Niu Tesamene

¹¹ Jisasa baa gapena dokonya enombanya laminao pao katasiaminopa, gapena dokome baa tipa pyoo, “Emba Juumanya Kiŋi dokope?” lea. Dokopa Jisasame baa lamaiyoo, “Embame latelyenona” lea.

Matyu 27:11 Referans Kwoze

Matyu 26:25

Dopa leamopa, yandapipi dupanya kinginya Jisasa maiya akali Judasa dokome baanya pii yanu pyakamaiyoo, “Mana Lenge, embame lelyeno doko namba lao lelyepe?” lea. Dopa leamopa Jisasame baa lamaiyoo, “Embame latelyenona” lea.

Make 14:62

Dokopa Jisasame lao pituu, “Doko namba. Akalinya Ikiningi doko Gote etete kyeto dokonya kingi tolaetena pituu, kaitinya kopa tambetambe ipatamopa nyakamame kandatamina” lea.

Matyu 26:64

Dopa leamopa Jisasame baa lamaiyoo, “Embame latelyeno. Nambame nyakama dapa langilyo: Akalinya Ikiningi doko, Gote etete kyeto dokonya kingi tolaetena pituu, kaitinya kopa-kisa ipatamopa nyakamame kandatamina” lea.

Matyu 2:2

“Juumanya kiŋi katapengena latae, wane ŋaŋa dokonya bui doko niki pyakaengesa-kaita katamupa naimame kandatala, baa mambo pyala epelyamanona, wane doko anja mandipae silyape?” leami.

1 Timoti 6:13

Pondiasa Pailata-kisa kiningi pii epe doko lao paneamo Jisasa Kraisa dokopa, dupa pitaka lete katenge maingi Gote dokopa, dolaponya enombanya embame dapa pyaale lao lelyo:

Matyu 10:25

Mana nyingi doko baanya mana lenge dopale katatamo doko yaka. Kalai akali doko baanya akali andake dopale katatamo doko yakaka. Anda tange doko kenge Belesabulu maingima endakali dupame baanya tata dupa kenge etete koo mendapu maitamiakana” lea.

Matyu 10:18

Nyakamame namba watao paelyamino latala, endakali dupame nyakama laminao pupala kiŋipi, gapenapi dupanya enombanya katasetami. Dopa pitaminopa, nyakamame kandelyaminopi, silyaminopi dupa kiŋipi, gapenapi, akali tata wakapi dupa panao lamaiyepape.

Luku 22:70

Dokopa dokaita pitakame lao pituu, “Dopa lelyeno doko, emba Gote Ikiningi dokope?” leami. Dokopa baame dokaita lamaiyoo, “Nyakamame namba dokona lao latelyaminona” lea.