Matyu 26:18 - Enga Niu Tesamene

¹⁸ Dopa leaminopa baame lao pituu, “Siti dokonya akali mende kalyamona, dokonya nyakama pupape. Pupala akali doko lamaiyoo, ‘Mana Lenge dokome baanya gii doko tengesa petelyamona, Pasopa nee doko baanya disaipolo dupa-pipa embanya andaka namana lelyamona’ lao lamaiyepape” lea.

Matyu 26:18 Referans Kwoze

Jone 7:6

Dokopa Jisasame dokaita lamaiyoo, “Nambanya gii doko ipa naelyamo. Dopaka doko, nyakamanya gii doko koteaka lao epelyamo.

Jone 17:1

Jisasame pii dutupa lao etapala, kaiti-kisa kandalyetae katao lao pituu, “Apane, embanya Ikiningi dokome endakali dupa pitaka isina lao, embame kyeto doko baa maiya. Embanya endakali baa maiyino dupa pitaka lete etete katenge doko maiyekena lao embanya kyeto doko baa maiyaka. Dopana, gii setapae doko ipatelyamona, embanya Ikiningi dokome emba kenge andake dina, embame baa kenge andakeaka maipi.

Jone 13:1

Pasopa nee andake nenge gii doko ipanya tengesa piamopa, isa yuu dake yakinatala Takange katenge dokonya pupenge gii doko ipatelyamona lao Jisasame masia. Dopa lao masetala, isa yuu dakenya tange, endakali Jisasanya latae dupa auu kaeya doko auu kaeyataeyaka katao pao baa kumia.

Jone 7:30

Dopa leamosa Juumanya isingi akali dupame baa anjepenge kaitini kutiamiaka doko, baanya gii doko ipa naeya dokonya, endakali mendeme baa minala naeyami.

Jone 7:8

Dopa pilyaminona, nyakama nee andake doko nala lalyoo pupa. Nambanya gii doko ipa naelyamo dokonya, indupa namba nee andake doko nala lalyoo napelyona” lea.

Jone 12:23

Lamaiyambinopa Jisasame dolapo lamaiyoo, “Akalinya Ikiningi doko kenge andake nyepenge gii doko ipatelyamo.

Luku 22:53

Koteaka lao namba nyakama-pipa lotuu anda nee nyetae kamapu dokonya kateamanopa, nyakamame namba anjala naeyami. Dopaka doko, iminjetaenya pupu lapae dokopa, awa dakepa, dolapo nyakamanyana” lea.

Jone 11:28

Matame pii dutupa latala andaka peamopa, Jisasa baa yuu yakane Betani dokonya apata paa naenya, Matame baa kandanyia panda dosa katao kaeya. Dokopa Matame baanya kakingi Maria epena latala elyakalao lamaiyoo, “Mana Lenge doko ae ipupala, emba ipu lelyamona” lea. Dokopa Mariame pii doko sepala, baa yapa sakatao Jisasa katea dokonya pea.

Make 5:35

Dopa lao kateamopa, lotuu anda isingi Jairusanya andaka katenge akali mendapu ipupala Jairusa lamaiyoo, “Embanya wanenge doko kumatalamona, aipuma embame Mana Lenge doko kenda pisoo epena lelyepe” leami.

Matyu 26:2

“Pasopa gii doko ipanya yuu gii lapoma silyamo doko nyakamame masilyamino. Gii dokopa Akalinya Ikiningi doko poko itanya pyao yukuina lao amii dupanya kinginya maitana” lea.

Matyu 23:10

Kraisa baa nyakamanya akali andake mendai iki doko kalyamona, endakali dupame nyakama ‘Akali Andake’ lena lao nakalyepape.

Matyu 23:8

Dopaka doko, Kraisa baa nyakamanya mana lenge mendai iki doko kalyamo. Nyakama dokonya kaiminingi kalyaminona, endakali dupame nyakama ‘Mana Lenge’ lena lao nakalyepape.

Matyu 21:3

Endakali mendeme nyakamba pii mende langia-kandeno dokopa, nyakambame lao pituu, ‘Kamongome kalai mende dongi dalapome pipenge jilyamona’ lapape. Dopa lalu pitambinopa, dongi dolapo minao ipupale lao baame kaeyalapomona” lea.

Jone 20:16

Dopa leamopa Jisasame baa lamaiyoo, “Maria!” lea. Dokopa Mariame Jisasa enomba maitala lao pituu, “Rabonai!” lea. (Rabonai dokonya tenge doko, Mana lenge.)

Matyu 26:49

Jisasa katea dokonya Judasa tolao pupala lao pituu, “Mana Lenge, kuakama!” lea. Dopa latala baa nunu pia.

Matyu 26:19

Dokopa Jisasame leali petala, disaipolo dupame Pasopa nee doko depa leami.