Matyu 24:7 - Enga Niu Tesamene

⁷ Akali tata mendeme akali tata mende yanda pimaita, kingdom mendeme kingdom mende yanda pimaita pitami. Yuu mendapuanya titiwali dupa minata, lopo andake dupa sepa, endakali longo-kisa yainame andinyeta pita.

Matyu 24:7 Referans Kwoze

Luku 21:11

Yuu mendapuanya titiwali andake dupa minata, lopo andake dupa sepa, endakali longo-kisa yainame andinyeta pita. Kaiti-kisa katao makande paka pipaepi, mirakolo andakepi, dupa petae ipataka.

Revelesene 6:8

Dokopa osa kala yelo mende ipao katea. Osa dokonya mende pituu epea dokonya kenge doko Kumingi lenge. Endakali kumapae dupa katengema panda dokome baa watao epea. Baame yuu pitaka kitomende pyoo lita petala, dokonya mende doko konjuwapi, lopo andakepi, yainapi, mena yanapi kapu dupapi, dupame pyao kumasina lao pupu lapae doko Kumingi doko maiya.

Aposole 11:28

Propeta epeami dupanya mende, Agabusa lenge doko Spirita dokome masepae maiyamopa, baa toeya katapala lao pituu, “Yuu dupa pitakanya lopo andake mende setana” lea. (Agabusanya pii lea doko Kolodiusa Sisame isoo katea gii dokopa angi jia.)

Revelesene 6:12

Dokopa Sipisipi Ŋaŋa dokome wakaiya jepae tokange pyoo doko taka leamopa, titiwali andake mende miniamo kandeo. Dokopa lapalapa iti pumbutapaeme wasepae joo niki doko pumbuteamopa, kana doko pitaka taeyoko pyoo kate pia.

Ibru 12:27

“Paa mendai apata” lelyamo pii dokome, Goteme baanya wasepae dupa minao ema-ema pitamopa, ema pita dupa nyoo nepatamopa dee nasetana lao naima laitaka pilyamo. Ema napita dupa tanga-tangapi sulu setana lao naima laitaka pilyamoaka.

Aposole 2:19

Dokopa nambame ketae kaitinya kalai paka pipae mendapu pito. Isa yuu dakenya kalai paka pipae datupa pitoaka: Taeyokopi, ita yulipi, itate kena kopa jepaepi, dupa epena lato.

Revelesene 6:5

Maitiamopa, Sipisipi Ŋaŋa dokome wakaiya jepae tepo pyoo doko taka leamopa, ema pingi tepo pyoo dokome lao pituu, “Kanja ipu” leamo sio. Dokopa osa pumbutapae mende ipao katea. Osa dokonya petea akali dokonya kingimi sekele mende minia.

Revelesene 6:6

Dokopa nambame siopa, ema pingi kitomende dutupanya kaina-kaina dupanya-kaita pii mende lea dokome dapa lea: “Silipa muni mendaimi wita dii kapo mendai sambapenge. Silipa muni mendaimi bali dii kapo tepoma sambapengeaka. Dopaka doko, welepi, waenepi dupa koeyasala naeyapengena” lea.