Matyu 24:11 - Enga Niu Tesamene

¹¹ Sambo propeta longo mendapu sakatatala, endakali longo kyakasetami.

Matyu 24:11 Referans Kwoze

Matyu 7:15

“Sambo propeta dupanya mona andaka yana kapu jetae katatamopa, sipisipi yonge nyoo petala, nyakama katatami dokonya ipatamina, kandao kalyepape.

Matyu 24:5

Aipumape, endakali longo mendapu nambanya kengenya ipupala lao pituu, ‘Namba Kraisa dokona’ lao endakali longo minakasetami.

1 Timoti 4:1

Yuu gii etalanya pitamopa, endakali imambu koo palenge dupame endakali minakasoo, imambu koo dupanya mana dupa lamaitaminopa, endakali mendapuame sepala, Gote tungi pingi doko yakinatamina lao Spiritame panao lelyamo.

Revelesene 19:20

Dopa piaminopa, akali osanya petea dokome yanda petala, yana kapu dokopa, yana kapu dokonya enombanya kongali pyoo katea sambo propeta dokopa, dolapo wakuu nyia. Yana kapu doko waingi tao wasepae doko mambo pingima endakali dupapi, yana kapu dokonya kongali petae endakali dupapi, dupa kongali pyoo minakasia doko, baa sambo propeta doko. Yana kapu dokopa, sambo propeta dokopa, dolapo lenge tapeta, kana yuli tao katenge itate andake dokonya soo pyandea.

2 Pita 2:1

Dopaka doko, wamba Israele dupanya kainanya sambo propeta mendapu kateamiliaka pyoo, nyakamanya kainanya sambo pii mana lenge endakali mendapu katatami. Dokaitame sambo pii, endakali koeyasingi dupa waa katao latami. Dokaita sambao nyiamo Akali Andake doko maita maitami dokome, yapa koeyapenge doko dokaita tange-kisa epena lataminosa pita.

Judu 1:4

Gote wata-minala naenge endakali mendapu, Goteme yapatala tanda maipengena lao wamba-waka pepa pyanya setapae dupa, waa katao nyakamanya kainanya pyakanatala, Gotenya kondo kaenge doko aloo pilyamino. Dopa petala, yongenya koo pyoani kaenge dupa pilyamino dokome, naimanya Gote Akali Andake Kamongo Jisasa Kraisa, mendai iki doko maita mailyamino.

1 Jone 4:1

Mona setenge paluma, spirita tata dupa pitaka tungi pyala naeyalapape. Sambo propeta longo mendapu yuu dupa pitakanya patelyaminona, propeta dupa Gotenya Spirita doko-pipa kalyamipi lao makande pyoo kanjepape.

1 Jone 2:18

Wane paluma, yuu gii etao doko indupa ipatelyamo. Kraisanya yandapipi doko ipatana lapae doko nyakamame siaminoli pyoo, indupa gii dakepa Kraisanya yandapipi longo mendapu ipatelyamino dokonya, yuu gii etao doko indupa ipatelyamona lao naimame masilyamano.

1 Jone 2:26

Endakali mendapuame nyakama minakasetamini-latala, nambame pii dutupa pepa pyao peekelyo.

Aposole 20:30

Nyakama akali kalyamino datupanyaka mendapu sakatatala, disaipolo dupa watao epena lao sambo pii lao minakasetami.

Matyu 24:12

Luiyao loo yalenge mana doko andatamopa, endakali longome endakali auu kaenge mana doko yakinatami.