Matyu 23:4 - Enga Niu Tesamene

⁴ Kenda lekeleke tao sepenge dupa dupame yaki petala, endakali dupanya lataiyanya nyoo setakamaingima. Dopaka doko, nyakamanya kingi kondeme kukipi mende kenda dupa minao ema pimana lao masala naengema.

Matyu 23:4 Referans Kwoze

Luku 11:46

Dokopa Jisasame lao pituu, “Nyakama looya dupa apata koeyatami. Kenda lekeleke tao sepenge dupa nyakamame endakali dupanya lataiyanya nyoo setakamaingima. Dopaka doko, nyakamanya kingi konde mendaipi mendeme kenda dupa watandala naengema.

Aposole 15:10

Dopana, nyakamame aipuma Gote makande pyoo, kenda andake mende, naimapi, naimanya yumbangepi, dupame kapa pao nasepenge jia doko indupa disaipolo dupa-kisa nyoo sakamaiyanya pilyami?

Galesia 6:13

Akali yanu kepapae dupame Mosesanya loo dupame lelyamoli pyoo wata-minala naengema. Dopaka doko, nyakama Galesia tange dupa yanu kepapae katataminopa, yanu kepapengena lengema dokaita kenge andake nyemana latala, nyakama yanu kepami laka lao masingima.

Matyu 23:23

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame takaepi, mondaipi, itamaiyapi dupa malu akalita mokosoo setapala, dutupanya malu mendai Gote maingima. Dopa pingimaka doko, mana epeme endakali tolasingipi, kondo kaengepi, Gote tungi pingipi, loo andake dutupa nyakamame wata-minala naengema. Nyakamame loo dutupa wata-minao katao, loo waka dupa yakinala naeyapenge.

Revelesene 2:24

Nyakama Taeyataita tange yangi dupame Satanenya mana yalo petae dupa kanja naeyao, enda dokonya mana dupa wata-minala naeyaowaka pingima dupa nambame dapa langilyo: Nyakama-kisa kenda waka mende nambame setala naelyo.

Aposole 15:28

Nyakamame yakinala naeyao pipengena lao pepa pilyamano datupa iki pyepale latala, mendatupame apata nyakama-kisa kenda pisala naeyatamano doko auu pitana lao Oli Spiritame lamupa lelyamano.

Matyu 23:3

Dopana, dupame wata-minalapape latami dupa pitaka nyakamame wata-minalapape. Dopaka doko, dupame mana lelyaminoli pyoo, nyakama tange wata-minala naengemana, dupanya mana minilyamino dupa nyakamame minala naeyalapape.

1 Jone 5:3

Naimame Gotenya mana setapae dupa wata-minilyamano dokome, naimame Gote auu kaengena lao panasingi. Baanya mana setapae dupa naimame wata-minalanya kenda nakaenge.