Matyu 23:16 - Enga Niu Tesamene

¹⁶ “Nyakama lenge monda dupame endakali waka kii miningima dupa koeyatami. Nyakamame dapa lengema: ‘Endakali mendeme baanya pii dupa kyeto tasalanya lotuu anda nee nyetae doko kenge latala, kiningi etete mende pitona latala napitamo doko yakaka. Dopaka doko, endakali mendeme baanya pii dupa kyeto tasalanya lotuu anda nee nyetae dokonya golome wasepae singi dupa kenge latala, kiningi etete mende pitona lata dokome kaeyala naeyao latali pipengena’ lengema.

Matyu 23:16 Referans Kwoze

Matyu 15:14

Dopa pitana, nyakamame Parasi dupa katena kaeyalapape. Dokaita lenge monda dupame lenge monda yango kii miningima dopale. Lenge monda mendeme lenge monda yango mende kii minatamo doko, lapota yuli mendenya pyakatambina” lea.

Matyu 23:24

Nyakama lenge monda dupame endakali waka dupa kii miningima. Nyakamame kapo mendenya pongena mende koko silya doko nyoo nepatala, kamele mende nyoo nenge-kaita goe lengema.

Matyu 23:17

Nyakama kyakaenge lenge monda! Anduku etete andake? Golome wasepae dupape, pande golome wasepae dupa auu pisingi lotuu anda nee nyetae doko?

Jemesa 5:12

Nambanya kaimii paluma, pii waka dupa pitaka ita minao pii dake lelyo: Nyakamame pii latami dupa kyeto tasalanya, yuupi, kaitipi, dopale wakapi, dupanya mende kenge latala, kiningi etete mende pitamana laa naeyalapape. Nyakama epe manemane pingima endakali jetamina, nyakamame mende pitamana latamino doko, pitamana iki lapape. Mende napitamana latamino doko, napitamana ikiaka lapape.

Matyu 23:26

Nyakama Parasi dupa lenge monda! Nyakamame wambao kapopi, pelesapi, dupa koko wasa pyapenge. Dopa pitaminopa, ketaetena wasa pyatae katata.

Matyu 23:19

Nyakama kyakaenge lenge monda! Anduku etete andake? Opaa dupape, pande opaa dupa auu pisingi alta doko?

Galesia 5:3

Yanu kepenge mana doko minilyamino akali dupa pitaka lamaiyoo, pii dake deaka panao lelyo: Mana doko minilyamino akali dupame Mosesanya loo dupa pitaka auu pyoo wata-minapenge.

Matyu 23:13

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame enda walyakae dupa minakasetala, yuu andapi dupa nyingima. Endakali waka dupame nyakama epena lao masina latala, loma londe pyoo singima. Tenge dokonya, nyakama kenda etete andake nyetami.