Matyu 22:8 - Enga Niu Tesamene

⁸ Dokopa kiŋi dokome baanya kalai akali dupa lamaiyoo, ‘Nambanya nee andake doko depa latae sepelyamoaka doko, nee napenge latae endakali dupa kooma-lamo.

Matyu 22:8 Referans Kwoze

Revelesene 3:4

Dopaka doko, Sadisa siosa dokonya petenge endakali kuki mendatupanya yonge pee dupa kaimala pisala naelyamino. Dopa pilyamino endakali dokaita epe. Tenge dokonya, yonge pee kyeo lapae dupa petala namba-pipa tole paeyatama.

2 Tesalonaika 1:5

Nyakamame dopa pilyamino dokome, Gotenya tolao yapenge mana doko panasimupa, Goteme baanya kingdom dokonya nyakama katapenge doko tolataena lao masilyamo. Tenge dokonya nyakama tanda nyoo kalyamino.

Aposole 13:46

Dopaka doko, Polopa Banabasapame paka nakaeyao dokaita lamaiyoo, “Gotenya pii doko akali tata waka dupa maita-pyao lamaiyanya, nyakama Juu dupa wambao langipenge. Dopaka doko, nyakamame pii doko tanga latala nepelyamino dokome, nyakama lete etete katenge doko nanyepengena lelyamino. Dopa lelyamino dokonya, nalimbame akali tata waka dupa lamaiya pelyambano.

Revelesene 22:14

Siti dokonya lome kambu dokonya-kaita kolandapengepi, lete katasingi ita dokonya dii lyao napengepi, dupa Goteme yakana lena lao, baanya mana setapae dupame lelyamoli pingima endakali dupa Goteme auu pisingi.

Luku 21:36

Koteaka lao nyakama lenge tao kalyepape. Goteme nyakama epena lao masetamopa, pita dutupa pitakanya paka pupala, Akalinya Ikiningi dokonya enombanya katatamanopa lao loma soo kalyepape” lea.

Luku 20:35

Dopaka doko, malunya sakatatala yuu enenge dokonya katapengena latae endakali dupa enda akalipa lao napititami.

Matyu 9:15

Dopa leaminopa Jisasame dokaita lamaiyoo, “Akali mende enda kelyapala watapae pyao, baanya tata dupa-pipa kalyamo gii dokopa, baanya tata dupame ee lao katengemape? Gii doko palitamopa, akali enda kelyenge doko nyoo patataminopa, baanya tata dupame loma soo nee nanao katatami.

Matyu 22:7

Dopa piami doko kiŋi dokome sepala, baa imbu kaeya. Imbu kaeyapala baanya amii dupa pena leamopa, dupame baanya kalai akali pyao kumasiami endakali dupa pyao kumasetala, dupanya siti doko yangeami.

Matyu 22:9

Dopana, nyakama kaitini kembo dupanya pupala, endakali kandatami dupa pitaka nee andake dakenya nala epena lamaiyepape’ lea.