Matyu 21:13 - Enga Niu Tesamene

¹³ Dopa petala baame dokaita lamaiyoo, “ ‘Nambanya anda doko loma singi anda latamina’ lao pepa pyapae silyamo. Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Matyu 21:13 Referans Kwoze

Luku 19:46

Watao pyao pituu, “ ‘Nambanya anda doko loma singi anda mendena’ lao pepa pyapae silyamo. Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Make 11:17

Dopa latala baame dokaita mana lamaiyoo, “ ‘Nambanya anda doko akali tata dupa pitakanya loma singi anda latamina’ lao pepa pyapae nasilyape? Dopaka doko, nyakamame nambanya anda doko pake nenge dupanya yalo pingi panda jetelyaminona” lea.

Jone 15:25

‘Namba-kisa tenge mende nasiamopa, mee imbu kaeyamina’ lao dokaitanya loo dupanya pepa pyapae singi doko angi jina lao nalimba imbu kaelyamino.

Matyu 2:5

Dopa leamopa dokaitame pii yanu pyao, “Goteme propeta mende-kisa pii mende lea doko dapa lao pepa pyapae silyamo: ‘Yuu Juda dokonya taono Betelema tange dupa, nyakamanya taono doko taono waka Juda silyamo dupanya pundipundi nasilyamo, etete daa. Nyakamanya mandipaenya mandipae dupanya isingi akali mende pyakalyeta dokome nambanya Israele endakali dupa setao katakatana’ lao pepa pyapae silyamo. Dokonya, Kraisa doko yuu Judia dokonya taono Betelema mandipengena” leami.

Luku 19:45

Jisasa lotuu anda nee nyetae kamapu dokonya pyakamatala, maketa setao kateamipi, sambao kateamipi, dupa tee pyao watao pia.