Matyu 21:1 - Enga Niu Tesamene

¹ Dokaita pao Jerusalema tengesa, Olipimanda dokonya taono Betepasa pyakalyetala, Jisasame disaipolo lapoma wambao pena lea.

Matyu 21:1 Referans Kwoze

Jone 8:1

Endakali dupa peaminopa Jisasa baa Olipimanda pea.

Luku 21:37

Yuu gii dii lao, lotuu anda nee nyetae kamapu dokonya Jisasame mana lamaitapu, yuu kuiyala epeamopa, Olipimanda lenge dokonya pao palipa pia.

Matyu 26:30

Dopa lateamopa, dokaitame wee mende latala kamaka pyakalyiami. Pyakalyetala dokaita Olipimanda peami.

Matyu 24:3

Jisasa Olipimanda peteamopa, disaipolo dupa elyakalao ipupala baa lamaiyoo, “Embame lelyeno dutupa gii andukupa pita? Embame naima langi. Yuu etapenge gii dokopa, emba ipate gii dokopa, dolaponya kongali aipale mende pitape?” leami.

Aposole 1:12

Dopa lateambinopa dokaita Olipimanda lenge dokonya katao Jerusalema pilyiami. Olipimanda doko Jerusalema tengesa singi. Olipimanda pituu Jerusalema pupenge doko, Sambatanya kaita paena lapae singi dopale.

Luku 22:39

Dopa latala Jisasa siti doko yakinatala, Olipimanda pengeli pyoo peamopa, baanya disaipolo dupame baa watao peami.

Make 14:26

Dopa lateamopa, dokaitame wee mende latala kamaka pyakalyiami. Pyakalyetala dokaita Olipimanda peami.

Matyu 20:34

Dopa leambinopa, Jisasame akali dolapo kondo kaeyapala, baanya kingimi dolaponya lengenya watandalu peteamopa, lapota auu pyoo lenge talu petala, baa watao peambi.

Matyu 21:2

Pena latala dolapo lamaiyoo, “Yuu yakane nyakambanya enombatena silyamo dokonya pupa. Pao pyakamalu pitambinopa, dongi matakai mende ŋaŋa-pipa anjetae katatamopa kanjambinona, nyakambame dolapo lapota tata lao minao ipupape.

Make 13:3

Jisasa Olipimanda pituu, lotuu anda nee nyetae doko katenge dokaita-kaita kandamatae petea. Peteamopa Pitapi, Jemesapi, Jonepi, Andruapi dutupame elyakalao baa tipa pyoo,