Matyu 20:8 - Enga Niu Tesamene

⁸ “Yuu kuiyalanya piamopa, waene ee tange dokome ee isakamaingi doko lamaiyoo, ‘Embame kalai akali dupa epena latala yole pipi. Yole pyoo pituu, kalai akali maita-pyao ipamino dupa wambao yole pima-pima pyoo, yongama wamba ipamino dupa yole pipi’ lea.

Matyu 20:8 Referans Kwoze

1 Pita 4:10

Kalai epe pyepale lao, Goteme nyakama mendai-mendai lao kyeto tata waka-waka diamopa nyiamino dupa nyakamame auu pyoo isoo katao, nyakama-lapo mende nisa-nisa pyoo kalyepape.

Ibru 9:28

Kraisame endakali longonya koo dupa kunao nepakamaiyanya, baa kundi joo paa mendaisaka kumia. Kraisa baa paa lapo pyoo ipata doko, endakali dupanya koo dupa kunao nepakamaiyanya naipata. Baa kandatamana lao nee kaeyao malisoo katatami endakali dupa pyoo nyala ipata.

Taitusa 1:7

Siosanya endakali setao katenge dokome Gotenya endakali dupa auu pyoo setao katapenge. Dopa pipenge dokonyana, baa luiyala naeyao, yapa imbu nakaeyao, waene nao kyakala naeyao, pyao napyoo, muni popaita pyapala endakali minakasala naeyao, endakali mendeme koelyamona laa naena lao katapenge.

2 Korina 5:10

Naima yuu dakenya yonge katapae kalyamano dokopa, naima mendai-mendai dupame mana koopi epepi dupa minatamali pyoo yole nyepenge dokonya Kraisame naima yapena lao, naima pitaka baanya kote singi toko dokonya pao katapenge.

Luku 12:42

Dopa leamopa Kamongome lao pituu, “Akali andake mendeme kalai akali dupa akali mendeme isina latamopa, dokaita isoo katao, nee napenge gii dokonya nee mokosoo maiyoo katapenge kalai akali masepae epe palenge, pii sakamaingi doko baa api?

Luku 10:7

Nyakama anda lyaa dii laa naenya, lanyetami andaka dokonya iki kalyepape. Akali kalai pita dokome yole nyepengena, endakali dupame nyakama nee endakipi dupa ditamili pyoo nao kalyepape.

Luku 8:3

Erotenya anda isakamaingi, Susa lenge dokonya etanenge Joanaa dokopi, Susanapi, enda waka longo mendapupi, dupa apata paeyamiaka. Enda dokaitame munipi, oapipi dupame Jisasapi, 12 disaipolopi dutupa nisoo apata paeyami.

Matyu 25:31

“Tanga Akalinya Ikiningi doko baanya tii pipae dokonya pituu, enjele Gotenya latae dupa pitaka-pipa ipata. Ipupala baanya kiŋi toko tii pipae dokonya pitita.

Matyu 25:19

“Yuu gii longo pateamopa, kalai akali dutupanya akali andake doko pilyetala, muni maiya dutupame aipa pyekeamipi lao kanjanya epea.

Matyu 20:7

Dopa leamopa dokaitame baa lamaiyoo, ‘Akali mendeme naima kalai nandipyanya, naima mee kalyamanona’ leami. Dokopa baame dokaita lamaiyoo, ‘Nyakama yole nyepengeli pyoo nyalaminona, nyakama apata nambanya waene ee dokonya kalai pyakala pupa’ lea.

Matyu 20:9

Dokopa kalai akali 5 kilokonya kalai pyoo tee piami dupa ipupala, silipa muni mendai lao nyiami.