Matyu 20:2 - Enga Niu Tesamene

² Ee tange dokome kalai akali mendatupa lanyepala, yuu gii mendainya silipa muni mendaimi yole pitoana, waene ee dokonya kalai pyakala pena leamopa, dokaitame yaka-lumuna latala peami.

Matyu 20:2 Referans Kwoze

Revelesene 6:6

Dokopa nambame siopa, ema pingi kitomende dutupanya kaina-kaina dupanya-kaita pii mende lea dokome dapa lea: “Silipa muni mendaimi wita dii kapo mendai sambapenge. Silipa muni mendaimi bali dii kapo tepoma sambapengeaka. Dopaka doko, welepi, waenepi dupa koeyasala naeyapengena” lea.

2 Timoti 3:15

Gotenya pii pepa pyapae singi dupa embame wane kolesa pituu, indupa tuu lao masilyino. Jisasa Kraisa tungi pingi dokonya-kaita Goteme emba pyoo nyingina lao, pii pepa pyapae singi dupame emba masepae epe dipenge.

Luku 10:35

Yuu gii mende dokonya baa paanya pituu, anda isoo katenge doko baame silipa muni lapoma maitala baa lamaiyoo, ‘Embame akali dake isoo katape. Namba pilyoto dokopa, embanya muni wakao akali dake-kisa nepate dutupa yanu pyakatona’ lea.

Luku 1:15

Aipumape, baa Kamongonya enomba dokonya akali andake mende katata. Baa bia waenepi dupa etete nanao katata. Baa endanginya ingi andaka pituu, Oli Spirita doko baa-kisa tumbatae ipata.

Matyu 22:19

Takisa maipenge muni konde mende nambame kandatoo panalapa” lea. Dokopa dokaitame muni konde mende nyoo ipateaminopa,

Matyu 20:13

Dopa leaminopa, ee tange dokome kalai akali dupanya mende lamaiyoo, ‘Kaimii, nambame emba minakasala naelyo. Emba silipa muni mendai nyatalena lapupa, nalimba pii lao yaki pyaa naeyalambape?

Matyu 18:28

Dopa peteamopa, kalai akali doko pupala, baanya kalai akali yango mende-kisa 100 silipa muni yanu sakamaingi doko kutao kandatala, mangenya puu lao minia. Minatae katao baa lamaiyoo, ‘Nambanya yanu dutupa pyaka’ lea.

Matyu 9:37

Kondo kaeyapala baanya disaipolo dupa lamaiyoo, “Nee longo wambu petamupa, kalai akali kuki kalyamino.

Matyu 20:1

Jisasame lao pituu, “Kingdom kaiti-kisa singi doko, ee tange mendeme yongama wamba sakatatala, baanya waene ee dokonya kalai pyekena lao, kalai akali mendapu lanyala peamo dopale.

Matyu 20:3

Pateaminopa 9 kilokopi mendenya, ee tange doko maketanya pupala kandeamopa, akali waka mendatupa kalai mende napyoo mee kateami.

Make 12:15

Naimame baa takisa maipengepe, daape?” leami. Dopa leaminopa, Jisasame dupa mana tolatae miningi manemane pilyamino lao kandatala dokaita lamaiyoo, “Aipuma nyakamame namba makande pilyami? Muni konde mende kandatoo, nyoo pealapa” lea.

Luku 20:24

Muni konde mende kandatoo panasalapa. Muni dokonya apinya lenge-lyaapi, kengepi dupa kalyape?” lea. Dopa leamopa dokaitame pii yanu pyao, “Sisanya kalyamona” leami.

Matyu 20:9

Dokopa kalai akali 5 kilokonya kalai pyoo tee piami dupa ipupala, silipa muni mendai lao nyiami.