Matyu 20:12 - Enga Niu Tesamene

¹² Dopa latala ee tange doko lamaiyoo, ‘Kalai akali maita-pyao ipamino dokaitame awa mendai iki kalai pimino. Niki yale mende tamupa, naima indupa gii dake pitaka lekeleke tao kalai pyemano doko, embame dupa naima-pipa kapa-kapa lao yole pilyinona’ leami.

Matyu 20:12 Referans Kwoze

Luku 12:55

Poo kyeto mende kingi tolaetena lelyamo kandatala nyakamame lao pituu, ‘Itaita pyoo paina pyaapome-lamona’ lelyamino doko, kiningiaka dopa pingi.

Jemesa 1:11

Niki pyakaetala popo pyoo telyamopa, palao dii auu pyoo pilya dupa sapupala, isa kopo latala alu pingi. Dopaka pyoo yuunya kamongo dupa bisinisa pyoo paeyapala alu pitami.

Epesusa 3:6

Pii yalo petae panasiamo doko dake: Wai pii epe dokonya-kaita akali tata waka dupa apata Kraisanya yonge dokonya katao, Goteme Kraisa-kisa ditona leamo dupa etete nyetamiaka.

1 Korina 4:11

Wamba pituu indupa tuu lao, naima lopo kaeyao, endaki nanu kaeyao, yonge pee koeyapae dupa pyoo kalyamano. Endakali dupame naima kimiame pilyamino. Naimanya anda mende nakalyamo.

Roma 3:30

Gote baa mendai iki kalyamo. Akali yanu kepapaepi, kepala naengepi, dupa pitaka Jisasa tungi pingi dokonya-kaita Gote mendai dokomeaka tolataena lata.

Roma 3:27

Dopana, naima tange kenge minalyepenge kaitini mende silyape? Daa, nasilyamo. Tange kenge minalyepenge kaitini doko loo aipale mendeme lyokenge? Tange kenge minalyepenge kaitini doko kalai mendapu pyepape lapae singi loo mendeme lyokengepe? Daa, tange kenge minalyepenge kaitini doko Jisasa tungi pyalapape lapae singi loo dokome lyokenge.

Matyu 20:11

Dopa pyoo nyepala, dokaitame ee tange doko mumu leami.