Matyu 18:4 - Enga Niu Tesamene

⁴ Endakali mende baa anasale jetala, wane koo dapale joo kalyamo doko, baa kingdom kaiti-kisa singi dokonya alyasale joo katenge.

Matyu 18:4 Referans Kwoze

Jemesa 4:10

Kamongonya enomba dokonya nyakama anasale joo kalyepape. Dopa pitaminopa, baame nyakamanya kenge dupa minalyeta.

Luku 14:11

Dopana, endakali mendeme baa tange kenge minalyetamo doko, Goteme baanya kenge doko minanata. Endakali mendeme baa tange kenge minanatamo doko, Goteme baanya kenge doko minalyetana” lea.

Make 10:43

Dopaka doko, nyakamanya kainanya mana dopale dupa naseta. Nyakamanya mende akali andake katapuli lao maseteno doko, baa nyakamanya kalai akali katapenge.

Luku 9:48

Dopa petala baame dokaita lamaiyoo, “Endakali mendeme nambanya kenge dokonya wane koo dake auu kaeyao lanyilya dokome, namba lanyilyamosaka pingi. Endakali mendeme namba auu kaeyao lanyilya dokome, namba puu lea Akali doko lanyilyamosaka pingi. Dopana, nyakama pitakanya kainanya etete anasale joo katata endakali doko, baa eteteaka alyasale joo katatana” lea.

1 Pita 5:5

Nyakama wane patange dupa siosanya isingi akali dupanya pundipundi kalyepape. “Alyasale joo kalyona lao masingi endakali doko Goteme maita maitala, anasale joo katenge endakali doko baanya kondo kaenge doko maingi.” Dopana, anasale joo katenge mana doko nyakama pitakame yonge pee joo petala, nyakama-lapo mende anda-anda semai-semai pyoo kalyepape.

Matyu 18:1

Gii dokopa disaipolo dupa Jisasa katea dokonya ipupala baa lamaiyoo, “Kingdom kaiti-kisa singi dokonya api alyasale joo kalyape?” leami.

Matyu 18:3

dokaita lamaiyoo, “Nyakamanya mana dupa aloo petala, wane wanakupi koo joo nakatatamino doko, kingdom kaiti-kisa singi dokonya kolandala naeyatamina lao nambame nyakama kiningi langilyo.

Matyu 18:5

Endakali mendeme nambanya kenge dokonya wane koo dapale mende auu kaeyao lanyilya dokome, namba lanyilyamosaka pingi.

Make 9:34

Dopa leamopa, dokaitame nyakamanya api alyasale joo kalyape lao, nyakama-lapo kaitinisa pii yanda pyoo epeami dokonya ema napiami.