Matyu 18:16 - Enga Niu Tesamene

¹⁶ Baame embanya pii doko nasetamo doko, pii pepa pyapae singili pyoo, nyakambanya pii latambi dupa sina, endakali mendai lapopi mende lanyepala baa dee lamaiya pupape.

Matyu 18:16 Referans Kwoze

2 Korina 13:1

Indupa nambame nyakama kanja epelyo dakeme, tepo pyoo epelyo. Endakali mende-kisa tenge mende setamopa, baa-kisa tenge silyamona lao, endakali lapomapi, tepomapi mendeme lao panapenge.

1 Timoti 5:19

Endakali mendeme siosanya isingi akali mende-kisa tenge setatamopa embame sakamaiya naenya, endakali lapo tepopi mendeme koo pipumu kandamuana latala tenge setataminopa sakamaipi.

Jone 8:17

Nyakamanya loo dupanya dapa lao pepa pyapae singi: ‘Endakali lapomame pii mendai dokoaka lao panelyambino doko, pii doko kiningina’ lapae singi.

Ibru 10:28

Mosesanya loo dupa endakali mendeme yalelyamopa, endakali lapopi tepopi mendeme baa kandatala lao panelyaminopa, kondo nakaeyao baa pyao kumasingima.

Revelesene 11:3

Nambanya pii lao panenge akali lapoma dolapo kyeto maitopa, dolapome yonge pee pumbuti mendapu petala, propesi pii lao yuu gii 1,260 katatambina” lea.