Matyu 15:16 - Enga Niu Tesamene

¹⁶ Dopa leamopa Jisasame lao pituu, “Nyakamame apata masala naelyamipi?

Matyu 15:16 Referans Kwoze

Matyu 16:9

Indupapi nyakamame masala naelyamiakape? Nambame breta yungi dutupa akali tausene yungi dupanya konjakamaiyopa, nao kakana sina kaeyamino dupa nyakamame nyoo baseketa akipatenya tumbasiamape lao nyakamame masala naelyamipi?

Make 9:32

Pii dokonya tenge doko disaipolo dupame nyala naeyapala, Jisasa tipa pyaanya paka kaeyami.

Make 7:18

Tipa piaminopa baame dokaita lamaiyoo, “Nyakamame apata masala naelyamipi? Kamaka singi mende endakali mende-kisa kolandelya doko mona andaka napenya, inginya soo kamaka epenge. Dopa pilya dokome nee dupa pitaka auu pisilyamopa, endakali doko kaimala pisala naenge doko nyakamame masala naelyamipi?” lea.

Luku 9:45

Pii dokonya tenge doko disaipolo dupame nanyiami. Pii doko yalo petae katea dokonya, baame pii lea doko auu pyoo masala naeyapala, pii dokonya baa tipa pyaanya paka kaeyami.

Matyu 15:10

Dopa latala Jisasame endakali kambu doko baa katea dosa epena latala lamaiyoo, “Nyakamame pii dake sepala masokondape pyepape:

Ibru 5:12

Nyakama mana nyiamino dokonya pituu, gii longo patelyamo dokonya, indupa nyakamame endakali waka dupa mana lamaipenge. Dopaka doko, Gotenya pii wambao nyepenge siamino dupa deaka langipenge jilyamo. Nee kyeto dupa nyakama nandinya, nyakama andu dipenge jilyamo.

Luku 24:45

Dopa latala, Gotenya pii pepa pyapae singi dupanya tenge dupa masoo nyina lao, baame dokaitanya masingi tii pisakamaiya.

Luku 18:34

Pii dokonya tenge doko disaipolo dutupame nanyiami. Pii doko yalo petae katea dokonya, baame pii lea dupa auu pyoo masala naeyamiaka.

Make 6:52

Dokaitanya mona kana jiami dokome, bretame mirakolo pia dokonya tenge doko masala naeyami.

Matyu 16:11

Parasipi, Sadyusipi dupanya yisa dupame nyakama koeyasetamina kandao kalyepapena lao langyo doko, bretanya lao nalalo doko, nyakamame aipa petala masala naelyamipi?” lea.

Matyu 13:51

Dopa latala Jisasame baanya disaipolo dupa lamaiyoo, “Nyakamame pii datupanya tenge dupa nyilyamipi?” lea. Dopa leamopa dokaitame yanu pyao, “Kamongo, naimame nyilyamanona” leami.

Matyu 15:15

Dopa leamopa Pitame baa lamaiyoo, “Embame kongali laleno dokonya tenge doko naima langi” lea.

Matyu 15:17

Dopale mende nenge-kaita pelya doko inginya soo kamaka epenge doko nyakamame masala naelyamipi?