Matyu 14:1 - Enga Niu Tesamene

¹ Jisasame pilyamo lapae dupa gii dokopa Galali isingi Eroteme sia.

Matyu 14:1 Referans Kwoze

Luku 3:1

Sisa Taibiriusa dokome ee kana 15 pyoo isia gii dokopa, Pondiasa Pailata baa Judia yuu dokonya gapena katea. Gii dokopa Eroteme yuu Galali isiamopa, Erote kaiminingi Pilipame yuu Ituriapa, Trakonaitusapa dolapo isia. Dokopa Laisaniasame yuu Abilini isiamopa,

Aposole 4:27

Erotepi, Pondiasa Pailatapi, akali tata wakapi, Israelepi, dupame embanya kalai akali, aiyomba minani pyoo makande latae Jisasa doko pyamana lao kiningi kambuiyami.

Make 8:15

Dokopa Jisasame dokaita kyeto joo lamaiyoo, “Parasipi, Erotepi dupanya yisa dupame nyakama koeyasetamina, kandao kalyepape” lea.

Luku 23:15

Dopa petala, nambame nyakama Erote kanja pupa lapupa, baame tenge angi mende kandao nanyalamoaka. Akali dake pyao kumasepenge koopi mende baame napia-lamo.

Aposole 12:1

Gii dosa mendasa Kiŋi Eroteme siosa dokonya endakali mendapu tanda maiyoo koeyasotoo latala anjia.

Luku 3:19

Yuu Galali doko isingi Erote dokome baanya kaimininginya etanenge Erodiasa doko nyia dokonyapi, waka mana koo minia dupanyapi, dupa pitakanya koelyenona lao paa longosa Joneme baa pyalanya lao katea.

Matyu 9:26

Dopa pia dokonya atome doko yuu makisa singi dupa pitakanya lao taeyami.

Matyu 9:31

Dopaka doko, Jisasame pia dupa pitaka akali dolapome yuu makisa singi dupa pitakanya lao taeyambi.

Matyu 13:58

Dupame baa tungi napiaminosa, baame mirakolo longo yuu dokonya napia.

Luku 8:3

Erotenya anda isakamaingi, Susa lenge dokonya etanenge Joanaa dokopi, Susanapi, enda waka longo mendapupi, dupa apata paeyamiaka. Enda dokaitame munipi, oapipi dupame Jisasapi, 12 disaipolopi dutupa nisoo apata paeyami.

Aposole 13:1

Siosa Antioko katea dokonya propetapi, mana lengepi, mendapu kateami dupanya kenge dupa: Banabasapi, Simione kenge mende Niga lenge dokopi, Sairini tange Lusiusapi, Galali isingi Erotepa tole katenge Manaenepi, Solopi, dutupa kateami.