Matyu 13:43 - Enga Niu Tesamene

⁴³ Dokopa endakali tolatae dupa nyakamanya Takangenya kingdom dokonya tii pyoo niki joo tao katatami. Nambame pii lelyo dutupa endakali kale katenge dupame sepengena” lea.

Matyu 13:43 Referans Kwoze

Luku 12:32

Nyakamanya Takange dokome auu kaengeme baanya kingdom doko nyakama nambanya sipisipi ŋaŋa dupa ditoo lao masilyamona, paka nakaeyalapape.

Matyu 11:15

Nambame pii lelyo dutupa endakali kale katenge dupame sepenge.

Matyu 25:34

Dokopa kingi tolaetena katatami dokaita kiŋi dokome lamaiyoo, ‘Nambanya Takange dokome nyakama auu pisetae. Baanya kingdom doko nyakama ditona latala, yuupa kaitipa dolapo tee pia dokopa depa laanya setekea doko nyakama etete nyalapale ipupa.

Jemesa 2:5

Nambanya mona setenge kaimii paluma, nyakamame salapape. Yuunya tipya joo katenge endakali dupa Jisasa tungi pingi dokonya kamongo joo katataminopa lao Goteme yapao nyia. Gote auu kaenge endakali dupa baanya kingdom etete maitona leamo doko nyetaminopa latala yapao nyia.

1 Korina 15:58

Dopana, nambanya mona setenge kaimii paluma, nyakamame lekeleke tao Kamongonya kalai pyakamailyamino doko maa yangatae nakalyamona lao masetala, nyakama mendeme ema pisina lao kaeyala naeyao, kyeto joo katapala, koteaka lao etete nee kaeyao Kamongonya kalai pyakamaiyoo kalyepape.

Luku 22:29

Dopana, nambanya Takangeme kingdom mende nambame isatale lao diamoli pyoo, kingdom mende nyakamame isalapale lao nambame dilyo.

Matyu 26:29

Nambame nyakama langilyo: Namba dee waene nala naeyaowaka katao, nambanya Takangenya kingdom dokonya waene enenge doko nyakama-pipa natamana” lea.

Matyu 25:36

Yonge pee napyoo kateopa, nyakamame namba yonge pee diami. Yaina siopa, nyakamame namba kanja epeami. Anjetae paleopa, nyakamame namba kanja epeamina’ lata.

Make 4:23

Endakali mende kale katenge-tamo doko, nambame pii lelyo dutupa baame sepengena” lea.