Matyu 13:3 - Enga Niu Tesamene

³ Kateaminopa Jisasame pii longo mendapu kongalimi endakali dupa lamaiyoo, “Salapape! Ee pokenge mendeme baanya ee wai lyandala pea.

Matyu 13:3 Referans Kwoze

Make 4:13

Dopa latala Jisasame dokaita lamaiyoo, “Nyakamame kongali pii lalo dakenya tenge doko nyala naelyamipi? Nyala naelyamino doko, aipa petala kongali pii waka dupa pitakanya tenge dupa soo nyetami?

Make 4:33

Kongali dopale longo mendapuame wai pii epe doko endakali dupame sepengeli pyoo baame lamaiyoo katea.

Matyu 13:53

Jisasame kongali pii dutupa lamaiyoo etapala, baa yuu doko yakinatala,

Make 12:12

Dokopa Juumanya isingi akali dupame kongali pii doko nyakama lao lalumuna lao sepala, baa anjemana lao kaitini kutiami. Kutiamiaka doko, endakali kambu doko paka kaeyapala, baa yakinatala peami.

Jone 16:25

“Wamba nambame nyakama pii langio dupa pitaka kongaliaka lao langio. Dopaka doko, gii mende ene epelyamo dokonya nambame kongaliaka lao langya naeyato. Takange dokonya lao tolao nyakama langito.

Luku 12:41

Dokopa Pitame baa lamaiyoo, “Kamongo, embame kongali pii doko naima lao lelyepe, pande endakali pitaka lao lelyepe?” lea.

Luku 8:10

baame lao pituu, “Gotenya kingdom dokonya pii tenge yalo petae dupa masalapale lao nyakama ditilyamo. Dopaka doko, nambame kongali piimi endakali waka dupa lamailyo. Dupame lengeme kandatamiaka doko, tenge angi doko kandao nanyoo, pii kaleme setamiaka doko, tenge angi doko soo nanyoaka, masala naeyaowaka pina lao kongaliaka lelyona” lea.

Make 12:1

Jisasame kongali pii mendapu dokaita tee pyao lamaiyoo, “Akali mendeme yuu mende kakopatala, waene ee pokea. Pokatala dii lyao nyepala waene ipange nyalanya dii dupa indyepenge yuli mende tombao wasia. Wasetala ee doko kandao isoo pitipenge anda ketae mende pia. Dopa petala ee pokenge akali mendatupa baame lamaitala, waene dii mendatupa tange nyepengena, ee doko isoo katekena lea. Dopa latala baa yuu londati mendakaita pao katea.

Make 3:23

Dopa leaminopa, baame dokaita epena latala kongalimi lamaiyoo, “Sataneme Satane yango aipa petala watao pyata?

Matyu 24:32

“Nyakamame piki ita dupanya mana dake nyalapape: Piki ita dupanya mange popo pilya dupa kandatala, paina pyaanya tengesa pilyamona lao nyakamame masingima.

Matyu 22:1

Jisasame kongali pii mendapu deaka dokaita lamaiyoo, “Kingdom kaiti-kisa singi doko dapale: Kiŋi mendenya ikiningi doko enda kelyeamopa, takangeme nee andake mende yangakamaiya.

Matyu 13:4

Pupala lyandeamopa ee wai yangi dupa kaitininya pao sia. Sia dupa yaka dupa ipupala nao eteami.