Matyu 13:22 - Enga Niu Tesamene

²² Ee wai yangi lyiki tenge palenge dupanya lyandeana lalo dokonya tenge doko dake: Endakali yangimi pii doko singimaka doko, muni putiti kaenge mana dokome dokaita minakasilyamopa, yuu dakenya nee kaenge dupame pii doko kui pyapala, dupa-kisa dii namandenge.

Matyu 13:22 Referans Kwoze

1 Timoti 6:17

Indupa gii dakepa, yuunya kamongo dupame nyakama alyasale joo kalyamanona lao masetala, muni pinjupi yapa alu pipenge dupa tungi napinya, naima auu kaeyalapale lao longo lao dyoo kataowaka katenge Gote doko tungi pina lao lamaipi.

Luku 8:14

Ee wai yangi lyiki tenge palenge dupanya pao siana lalo dokonya tenge doko dake: Endakali yangimi pii doko singimaka doko, dokaita kaita paeyao, yuu dakenya nee kaengepi, munipi, yongenya auu kaengepi dupanya mona setelyami dokome, dokaita kui pyambatala, dii mandelyami dupa wambu napingi.

Luku 12:15

Dopa latala Jisasame endakali dokaita lamaiyoo, “Endakali mendenya lete katenge doko baanya oapi longo setenge dopale daa. Dopana, popaita pingi mana dokome nyakama koeyasetana, kandao kalyepape” lea.

Matyu 13:7

Ee wai yangi dupa lyiki tenge palenge dupanya pao sia. Sia dupa langa leaka doko, lyiki tambetambe andapala kui pyambea.

Luku 12:21

Endakali mendeme baa tange iki masetala oapi longo nyoo setao katao, Gotenya kalai dupa nisala naeyata doko-kisa dopaka pitana” lea.

Luku 21:34

“Yuu dakenya endakali palelyamino dupa pitaka-kisa gii doko ipata. Dopa pitana, yongenya koo pyoani kaengepi, bia nao kyakengepi, yuu dakenya nee kaeyapae singipi, dupanya-kaita nyakama isa pyakataminopa, kone makatae lokalyingili pyoo, gii doko nyakama-kisa lee mendai ipatana, kandao kalyepape.

Aposole 8:18

Aposole dolapome aiyombanya kingi setakamaiyambi endakali dupa-kisa Oli Spirita doko epeamo Saimoneme kandatala, muni mendatupa nyepala minao epea. Ipupala baame dolapo lamaiyoo, “Nyakambame pilyambinoli pyoo nambame endakali mendenya aiyombanya kingi setakamaitopa, Oli Spirita doko endakali doko-kisa epena, nyakambame kyeto doko namba dyepale, nyakamba muni datupa ditoana” lea.

Matyu 12:32

Akalinya Ikiningi doko pii koo lata endakali dokonya koo doko Goteme kunao nepakamaita. Dopaka doko, Oli Spirita doko pii koo lata endakali dokonya koo doko Goteme indupapi, tangapi kunao nepakamaiya naeyatana” lea.

Matyu 13:39

Yandapipi mendeme koo tanu dupa lyandeana lalo doko Satane doko. Wambu pipenge gii doko yuu etapenge gii doko. Nee mandyoo mau pingima dupa enjele dupa.

Matyu 13:40

Koo tanu dupa yukuu kambu pyatala, itatenya yangeamili pyoo, yuu etatamo gii dokopa, Satanenya ikiningi dupa yangata.

Roma 12:2

Nyakama isa yuu dakenya mana dupame kapa patae jina laa naenya, Goteme nyakamanya masingi dupa enenge joo aloo pina lao kalyepape. Dopa petala, Gotenya auu kaenge, etete tolatae dupa andukupi lao masetala wata-minalapape.

1 Korina 1:20

Masingi endakali dupanya lao naimame aipa lama? Mosesanya loo mana nyepae dupanya lao naimame aipa lama? Pii tenge mendenya minao atete pyoo pii lengema endakali indupa palelyamino dupanya lao naimame aipa lama? Isa yuu dakenya endakali dupanya masepae dupa Goteme kyakaengena lao panasala naeyape?

1 Korina 2:6

Gotenya mana dupanya wambu petae endakali dupa naimame masepae epe dokonya pii doko lamaingi. Masepae epe doko isa yuu dakenya endakali indupa palelyaminopi, isa yuu dakenya isingi akali alu pipengepi, dupanya daa.

1 Korina 2:8

Isa yuu dakenya isingi akali indupa palelyamino dupanya mendaipi mendeme masepae epe doko aipalepe lao kanja naeyami. Dupame masepae epe doko dopale-lamo lao kandeamili doko, tii pipae Kamongo doko pyao yukuala naeyamili.

1 Korina 3:18

Endakali mendeme baa tange minakasala naeyapenge. Indupa endakali palelyamino dupanya emba masepae singi akali mende kalyona lao nyakamanya mendeme maseteno doko, masepae singi akali jalanya, wambao yuu dakenya mana dupanya kyakaenge jepenge.

2 Korina 4:4

Gote waingi tapae Kraisanya wai pii epe dokonya tii pipae doko Jisasa tungi napingi endakali dupa-kisa naepena lao, isa yuu dakenya gote, Satane dokome dupanya lenge iminjilyamo.

Galesia 1:4

Gii koo dakenya naimanya koo dupa kunao nepatakala, naima pyoo nyotopa lao, naimanya Takange Goteme masiamoli pyoo, Jisasame baanya lete katenge doko yakinea.

Epesusa 2:2

isa yuu dakenya mana dupa minao kateami. Gotenya pii wata-minala naengema endakali dupa-kisa indupa kalai pilyamo spirita doko nyakamame wata-minao paeyami. Spirita koo doko, kaitinya popotau paenge dupanya isingi akali Satane doko.