Matyu 12:12 - Enga Niu Tesamene

¹² Sipisipi dupa endakalimi ita minao kalyamino. Dopana, Sambata gii dokonya kalai epe pipenge doko loome daa latae nasingina” lea.

Matyu 12:12 Referans Kwoze

Matyu 6:26

Nyakamame yaka ketae paenge dupa kanjepape. Dupame ee pokala naengema. Dupame nee mandyoo setenge anda dupanya nee nyoo setala naengemaka. Dopaka doko, nyakamanya Takange kaiti-kisa katenge dokome dupa nee maingi. Nyakamame yaka dupa ita minao kalya naelyamipi?

Luku 6:9

Kateamopa Jisasame dokaita lamaiyoo, “Nambame nyakama tipa mende pitoo: Loome aipa lapae singi? Sambata gii dokonya kalai epe pipengepe, pande koo pipenge? Endakali nisepengepe, pande endakali pyao kumasepengepe?” lea.

Make 3:4

Dopa latala baame dokaita lamaiyoo, “Loome aipa lapae singi? Sambata gii dokonya kalai epe pipengepe, pande koo pipenge? Endakali nisepengepe, pande endakali pyao kumasepengepe?” lea. Dopa leamopa, dokaita ema napyoo

Matyu 10:31

Dopana, yaka pimbinakae longo dupa nyakamame ita minao kalyaminona, paka nakaeyalapape” lea.

Luku 12:24

Nyakamame yaka lakepame dupa masalapape. Dupame ee pokala naengema. Dupame nee mandyoo setala naengemaka. Dupanya nee setenge andapi, pandapi mende nasingi. Dopaka doko, Goteme dupa nee maingi. Nyakamame yaka dupa etete ita minao kalya naelyamipi?

Luku 14:1

Sambata gii mendenya Jisasa baa Parasi dupanya isingi akali mendenya andaka pupala nee nao peteamopa, Jisasame aipa pilyape lao Parasi dupame isokondape piami.