Make 9:47 - Enga Niu Tesamene

⁴⁷ Embanya lenge mendeme emba koo pyaale lao mapusia-kandeno doko, lukunya nepape. Emba lenge mendai iki tao, Gotenya kingdom dokonya kolandateno doko auu pita. Emba lenge lapota tao, itate tao katenge, ele panda koo dokonya soo pyandatamo doko auu napita.

Make 9:47 Referans Kwoze

Matyu 18:9

Embanya lenge mendeme emba koo pyaale lao mapusia-kandeno doko, lukunya nepape. Emba lenge mendai iki tao, lete katenge dokonya kolandateno doko auu pita. Emba lenge lapota tao, itate tao katenge, ele panda koo dokonya soo pyandatamo doko auu napitana” lea.

Make 9:43

Embanya kingi mendeme emba koo pyaale lao mapusia-kandeno doko, kepanya nepape. Emba kingi tundu katao, lete katenge dokonya kolandateno doko auu pita. Emba kingi lapota katao, itate konjala naenge, ele panda koo dokonya pateno doko auu napita.

Matyu 5:22

Dopaka doko, nambame nyakama dapa langilyo: Akali mendeme baanya kaiminingi mende yapa imbu kaeyatamo doko, baa-kisa tenge setapala baa tanda maipenge. Akali mendeme baanya kaiminingi mende pii koo latamo doko, kote andake dokome baa-kisa tenge setapala baa tanda maipenge. Akali mendeme endakali mende kyakaengena latamo doko, baa itate tao katenge ele panda koo dokonya pupenge.

Galesia 4:15

Nyakama mona yaepao kateamino mana doko aipa petala alu pia? Nyakamanya lenge dolapo lukuu nyepenge jiali doko, lukuu nyepala namba diamilina lao nambame nyakama panao langilyo.

Luku 14:26

“Akali mende namba katato dokonya ipupala, baanya endangi takangepa, enda wanepi, kaiminingi pimalengepi, baanya lete katengepi, dupa maita maiya naeyatamo doko, baa kapa pao nambanya disaipolo nakatata.

Make 9:46

Ele panda koo dokonya, endakali dupanya yonge dupa nenge nene dupa kumala naenge. Itate tenge doko konjala naengeaka.

Jone 3:3

Dopa leamopa Jisasame baanya pii yanu pyakamaiyoo, “Nambame emba etete kiningi langilyo: Endakali mende dee ŋaŋa joo manja naeyatamo doko, Gotenya kingdom doko baame kapa pao nakandatana” lea.

Jone 3:5

Dopa leamopa Jisasame yanu pyao, “Nambame emba etete kiningi langilyo: Endakipa Spiritapa dolapome endakali mende ŋaŋa joo manja naeyatamo doko, Gotenya Kingdom dokonya kapa pao kolandala naeyata.