Make 9:33 - Enga Niu Tesamene

³³ Jisasa Kapename pupala andaka pituu, baanya disaipolo dupa tipa pyoo, “Nyakamame kaitinisa aki mendenya lao, lao ipamipi?” lea.

Make 9:33 Referans Kwoze

Ibru 4:13

Gotenya wasepae dupanya mendaipi mende baanya lengenya yalo petae nasingi. Baanya lengenya dupa pitaka panapae singi. Dopa pingi dokonya, naimame mana minatama dupa pitaka, dopa pyoo miniamana lao tanga Gote lamaitama.

Revelesene 2:23

Dopa petala, enda dokonya wane dupa apata kumina lao nambame pyao kumasotoaka. Dopa pitopa, endakalinya monapi, masingipi dupa kandenge akali doko namba-lamo lao siosa dupa pitakame masetami. Dokopa nambame nyakama mendai-mendai lao kalai pitamili pyoo yole pito.

Jone 21:17

Dopa latala paa tepo pyoo baame Pita lamaiyoo, “Jona ikiningi Saimone, embame namba auu kaelyepe?” lea. “Embame namba auu kaelyepe?” lao paa tepo pyoo Jisasame tipa piamosa, Pita baa mona kenda kaeyapala Jisasa lamaiyoo, “Kamongo, embame dupa pitaka kandenge dokome, nambame emba kiningi auu kaelyopa embame kandengena” lea. Dokopa Jisasame baa lamaiyoo, “Embame nambanya sipisipi dupa nee maiyakape.

Jone 2:25

Jisasame endakali pitaka kandao tii tenge dokonyana, endakali dupa dopalena lao endakali mendeme Jisasa lamaiya naeyapenge.

Make 2:8

Dopa lao masiami dupa Jisasame kanju petala dokaita lamaiyoo, “Aipuma nyakamanya moname dopa lao masilyami?

Matyu 17:24

Dokaita Kapename peaminopa, lotuu anda nee nyetae dokonya takisa nyingi dupa ipupala Pita lamaiyoo, “Nyakamanya mana lenge dokome lotuu anda nee nyetae dokonya takisa doko maingipi?” leami.

Make 3:19

yandapipi dupanya kinginya Jisasa maiya akali Judasa Iskariota lenge dokopi, dutupa apata baame yapao nyiaka. Yapao nyepeamopa, dokaita anda mendenya peami.