Make 9:31 - Enga Niu Tesamene

³¹ Tenge doko, Jisasame baanya disaipolo dupa mana lamaiyanya dopa lao masia. Baame lao pituu, “Akalinya Ikiningi doko akali dupanya kinginya maiyanya pilyamo. Maitatamopa dupame baa pyao kumasetami. Kumasetataminopa baa yuu gii tepo dokonya malunya sakatatana” lea.

Make 9:31 Referans Kwoze

Matyu 16:21

Gii dokopa Jisasame baanya disaipolo dupa tee pyao panao dapa lamaiya: “Namba Jerusalema pupenge. Patopa Juumanya isingi akalipi, prisa mupapi, Mosesanya loo mana nyepaepi, dupame namba tanda longo ditaminopa namba pyao kumasepenge. Kumasetataminopa, yuu gii tepo dokonya Goteme namba sakatasetana” lea.

Make 9:12

Dopa leaminopa baame dutupanya pii yanu pyakamaiyoo, “Kiningi, Ilaija wambao ipupenge. Ipupala baame dupa pitaka tolaseta. Dopa pitana, aipuma Akalinya Ikiningi doko maka kaeyapala, tanda longo maitamina lao pepa pyapae silya?

Make 8:31

Dokopa Jisasame dokaita tee pyao mana lamaiyoo, “Akalinya Ikiningi doko tanda longo napenge. Juumanya isingi akalipi, prisa mupapi, Mosesanya loo mana nyepaepi dupame baa maita maitaminopa baa pyao kumasepenge. Kumasetataminopa yuu gii tepo dokonya baa sakatatana” lea.

Luku 24:26

Kraisa doko kaeyala naeyao dopa pyoo tanda nyepala, baanya tii pipae dokonya kolandatana lao masala naelyambipi?” lea.

Matyu 26:2

“Pasopa gii doko ipanya yuu gii lapoma silyamo doko nyakamame masilyamino. Gii dokopa Akalinya Ikiningi doko poko itanya pyao yukuina lao amii dupanya kinginya maitana” lea.

Matyu 20:28

Dopaka pyoo, Akalinya Ikiningi dokome baanya kalai pyekena lao naepea. Baame endakali dupanya kalai pyakamaiyoo, baa kumata dokome endakali longo sambao nyalanya epeana” lea.

2 Timoti 2:12

Naimame yakinala naeyao kenda soo katatamano doko, naimame apata baa-pipa isoo katatamaka. Naimame baa maita maitamano doko, baame naima maitaka dita.

Jone 10:18

Namba kumatale lao endakali mendeme nambanya lete katenge doko nyokonyala naeyata. Lete katenge doko kame soo kumala penge dokopa, pilyoo nyingi dokopa, dolaponya kyeto doko namba-kisa singi. Dopa pipi lea pii doko nambanya Takange-kisa nyiona” lea.

Jone 3:14

Endakali napalenge yuu dokonya kanopato aeneme wasepae doko Mosesame minalyiali pyoo, Akalinya Ikiningi doko kaeyala naeyao minalyetami.

Jone 2:19

Dopa leaminopa Jisasame dokaitanya pii yanu pyakamaiyoo, “Anda nee nyetae dake nyakamame kalunya nepataminopa, yuu gii tepomanya nambame dee katasotona” lea.

Luku 9:44

“Nyakamame pii datupa kaleme sokondape pyoo salapape: Akalinya Ikiningi doko akali dupanya kinginya maiyanya pilyamona” lea.

Matyu 27:63

Dopa petala dupame Pailata lamaiyoo, “Akali Andake, sambo lenge akali dokome saka katao pituu, baa yuu gii tepo dokonya sakatatona leamo doko naimame masilyamano.

Make 10:34

dokaitame baa lamba lao, konjame pyao, sopokalimi pyao petala, pyao kumasetami. Dopa petataminopa, yuu gii tepo dokonya baa sakatatana” lea.