Make 9:19 - Enga Niu Tesamene

¹⁹ Dopa leamopa Jisasame baanya pii yanu pyakamaiyoo, “Nyakama Gote tungi napingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Wane doko laminao asa ipupa” lea.

Make 9:19 Referans Kwoze

Jone 20:27

Dopa latala baame Tomasa lamaiyoo, “Embanya kingi kondeme nambanya kinginya kombe dupa minao kanda. Embanya kingimi nambanya patali kombe doko mina. Minatala embame kiningina lao masepe. Sambona lao masala naeyape” lea.

Make 16:14

Maitakao 11 disaipolo dutupa nee nao peteaminopa, Jisasa baa dutupame kandena lao panea. Baa sakatatala paneamopa kandeami endakali dupame kiningi lelyaminona lao disaipolo dutupame masala naenya, tuu pyoo mona kana jiaminosa, Jisasame dutupa pyalanya lea.

Luku 24:25

Dokopa Jisasame akali dolapo lamaiyoo, “Nyakamba masepae napalenge! Propeta dupame pii leami dupa pitaka kiningina lao nyakambame yapa masala naelyambino.

Luku 9:41

Dopa leamopa Jisasame yanu pyao, “Nyakama mana epe minala naeyao, Gote tungi pyala naeyaowaka pingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Embanya wane doko laminao asa ipu” lea.

Matyu 17:17

Dopa leamopa Jisasame yanu pyao, “Nyakama mana epe minala naeyao, Gote tungi pyala naeyaowaka pingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Wane doko laminao asa ipupa” lea.

Jone 12:27

“Indupa nambanya mona etete kenda pyumuna, nambame aipa lao? ‘Apane, namba-kisa kenda epelyamo dake embame nyoo nepakape’ laowape? Daa, nambame kenda dake nyoo salanya epeo.

Make 9:18

Imambu koo dokome baa minao lungu pilyamoli pyoo baa lombapae singi. Dopa pilyamopa, wane doko nenge-kaita kambapupaka mandyoo, nenge giti-gato lao, kingi mokopi tinokao tui lenge. Embanya disaipolo dupame imambu koo doko watao pyakamaina lao nambame lamaipupa, dupame kapa pao watao pyala naeyalaminona” lea.

Make 9:20

Dokopa wane doko laminao Jisasa katea dokonya epeaminopa, imambu koo dokome Jisasa kanju petala, wane doko walumane minao isa yuunya lombanya seteamopa, kapilya mina-mina pyoo nenge-kaita kambapupaka mandea.