Make 5:39 - Enga Niu Tesamene

³⁹ Dokopa Jisasa andaka kolandatala dokaita lamaiyoo, “Aipuma nyakama yako lao ee laa-laa pelyami? Wanaku doko kumala naeyalamo. Baa luu palelyamona” lea.

Make 5:39 Referans Kwoze

Aposole 20:10

Dokopa Polo isa pupala wane doko siamo dokonya pongonatala, wane doko kopinyia. Kopinyetala lao pituu, “Wane dake lenge telyamona, nyakama yamataka lao ee laa naeyalapape” lea.

1 Tesalonaika 5:10

Naima saka katatamanopapi, kumatamanopapi, Kraisa baa ipata gii dokopa, naima baa-pipa apata katatamanopa lao, Kraisa baa naimanya lao kumekea.

1 Korina 11:30

Nyakama tange yapakondape napiaminosa, nyakamanya longo kyeto nasiamopa yaina nyiami. Yangi dupa kumiami.

Matyu 9:24

Ee leaminopa baame dokaita lamaiyoo, “Wanaku doko kumala naeyalamo. Baa luu palelyamona, nyakama pupa” lea. Dopa leamopa, endakali dupame baa lamba lao gii kaeyami.

Make 5:38

Pao lotuu anda isingi akali dokonya andaka pyakamatala Jisasame kandeamopa, endakali dupa yako lao ee laa-laa peami.

Make 5:40

Dopa leamopa, endakali dupame baa lamba lao gii kaeyami. Dokopa baame dokaita watao kamaka pyalyetala, wanaku dokonya endangi dokopi, takange dokopi, disaipolo tepoma apata peami dutupapi, dutupa iki wanaku kumapae sia dokonya lanyoo pea.