Make 5:36 - Enga Niu Tesamene

³⁶ Dopa leaminopa Jisasame pii doko sulu petala, lotuu anda isingi akali doko lamaiyoo, “Emba paka nakaenya, namba tungi pyape” lea.

Make 5:36 Referans Kwoze

Luku 8:50

Dopa leamopa Jisasame pii doko sepala Jairusa lamaiyoo, “Emba paka nakaenya, namba tungi pyape. Dopa pitinopa embanya wanenge doko saka paapomona” lea.

Jone 11:40

Dokopa Jisasame baa lamaiyoo, “Embame namba tungi pyateno doko, Gotenya tii pipae doko kanjapenona lao nambame emba langya naeyalope?” lea.

Make 9:23

Dopa leamopa Jisasame baa lamaiyoo, “Embame kapa pao Gote tungi pyate-tamo doko, nambame nyakamba nisotoo. Gote tungi pingi endakali dokome kalai dupa pitaka kapa pao pingina” lea.

Make 5:34

Dokopa Jisasame baa lamaiyoo, “Wanenge, embame namba tungi pyapi dokome, embanya yaina doko etelyamona, emba yaina etapae doko mona yaepatala puu” lea.

Matyu 17:20

Dopa leaminopa Jisasame dokaita lamaiyoo, “Nyakamame Gote tungi napilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko yakane masete dii dopalepi mende-pyali doko, nyakamame yuu manda dake lamaiyoo, ‘Emba asa pituu omosa puu’ laminopa, lamiliaka pipyali. Dokopa nyakamame dopale mende pyaanya kokala naeyamili.

Matyu 9:18

Jisasame pii dutupa lamaiyoo kateamopa, isingi akali mende Jisasa katea dokonya ipao luma lakapala, baa lamaiyoo, “Nambanya wanenge doko epapu kumatelyamona, embame baa-kisa kingi setateno doko, baa lenge talapomona, kingi setala ipupoko” lea.

Make 5:22

Dokopa lotuu anda isingi akali dupanya mende, Jairusa lenge doko epea. Ipao Jisasa kandatala, baanya moko katea dosa tombauli sepala