Make 5:35 - Enga Niu Tesamene

³⁵ Dopa lao kateamopa, lotuu anda isingi Jairusanya andaka katenge akali mendapu ipupala Jairusa lamaiyoo, “Embanya wanenge doko kumatalamona, aipuma embame Mana Lenge doko kenda pisoo epena lelyepe” leami.

Make 5:35 Referans Kwoze

Luku 8:49

Dopa lao kateamopa, lotuu anda isingi Jairusanya andaka katenge akali mende ipupala Jairusa lamaiyoo, “Embanya wanenge doko kumatalamona, Mana Lenge doko embame kenda pisoo epena laa naenya kae” lea.

Jone 11:39

Dokopa Jisasame lao pituu, “Nyakamame kana doko nyoo kapya lapa” lea. Dopa leamopa, akali kumapae dokonya pimalenge Matame baa lamaiyoo, “Kamongo, baanya yonge doko malu petae katamupa yuu gii kitomende patapyana, indupa baanya yonge doko ai koeyapae pyalapomona” lea.

Jone 11:28

Matame pii dutupa latala andaka peamopa, Jisasa baa yuu yakane Betani dokonya apata paa naenya, Matame baa kandanyia panda dosa katao kaeya. Dokopa Matame baanya kakingi Maria epena latala elyakalao lamaiyoo, “Mana Lenge doko ae ipupala, emba ipu lelyamona” lea. Dokopa Mariame pii doko sepala, baa yapa sakatao Jisasa katea dokonya pea.

Jone 5:25

“Nambame nyakama etete kiningi langilyo: Endakali kumapae dupame Gote Ikiningi dokonya pii dupa setamina latae gii doko indupa ipatelyamo. Baanya pii doko setami endakali dupa lete katatami.

Make 10:17

Dopa petala Jisasa paanya kaita nyiamopa, akali mende alo pyao ipao, baanya enomba dokonya luma lakapala baa tipa pyoo, “Mana Lenge Epe, lete etete katenge doko nambame aipa petala nyotope?” lea.

Make 5:22

Dokopa lotuu anda isingi akali dupanya mende, Jairusa lenge doko epea. Ipao Jisasa kandatala, baanya moko katea dosa tombauli sepala

Jone 11:32

Dokopa Maria baa Jisasa katea dokonya ipupala Jisasa kandea. Kandatala Jisasanya moko katea dosa pao luma lakapala baa lamaiyoo, “Kamongo, emba ae kateeli doko, nambanya pimalenge doko kumala naeyalina” lea.

Jone 11:25

Dokopa Jisasame baa lamaiyoo, “Endakali kumapae dupa sakatasingi doko namba. Endakali dupa lete katasingi doko nambaka. Endakali mendeme namba tungi pyatamo doko, baa kumapalapi lete katata.

Jone 11:21

Matame Jisasa kandanyetala baa lamaiyoo, “Kamongo, emba ae kateeli doko, nambanya pimalenge doko kumala naeyali.

Matyu 26:18

Dopa leaminopa baame lao pituu, “Siti dokonya akali mende kalyamona, dokonya nyakama pupape. Pupala akali doko lamaiyoo, ‘Mana Lenge dokome baanya gii doko tengesa petelyamona, Pasopa nee doko baanya disaipolo dupa-pipa embanya andaka namana lelyamona’ lao lamaiyepape” lea.

Matyu 9:18

Jisasame pii dutupa lamaiyoo kateamopa, isingi akali mende Jisasa katea dokonya ipao luma lakapala, baa lamaiyoo, “Nambanya wanenge doko epapu kumatelyamona, embame baa-kisa kingi setateno doko, baa lenge talapomona, kingi setala ipupoko” lea.

Matyu 26:10

Dopa leamino doko kandatala Jisasame dokaita lamaiyoo, “Enda dakeme namba-kisa kalai epe mende pilyamona, aipuma nyakamame baanya mona kenda pisakamailyami?