Make 4:17 - Enga Niu Tesamene

¹⁷ gii kuki mendatupa auu pyoo katengema. Dopaka doko, pii doko mambele kenda dupa epelyamopapi, endakali waka dupame dokaita tanda maiyoo koeyasilyaminopapi, pii doko dokaita-kisa pingi pyala naenge dokonyana, dokaita pupae isa pyakengema.

Make 4:17 Referans Kwoze

Matyu 11:6

Dopana, namba mambele endakali mende isa pyakala naeyatamo doko, baa Goteme auu pisetae kalyamona lao Jone lamaiyepape” lea.

Revelesene 2:10

Dopana, emba tanda nyepenge dupanya paka nakaeyape. Nyakamanya mendapu makande pina lao Sataneme anjinya pyandalapomo. Dokopa yuu gii akalita dutupanya kenda mendapu nyakama-kisa ipapomo. Dopa pyaapomona, nyakamame Gote tungi pingi doko yakinala naeyao minatae katao, kumingi gii doko kandao nyalapape. Dopa pitaminopa, lete katenge dokonya kiŋi balu doko nambame nyakama dito.

Matyu 12:31

Tenge dokonya nambame nyakama langilyo: Endakali dupanya koo pingipi, lao nepengepi, dupa pitaka Goteme kunao nepakamaita. Dopaka doko, Spirita doko lao nepata endakali dokonya koo doko Goteme kunao nepakamaiya naeyata.

Revelesene 2:13

Embanya kalai pingipi, Satanenya kiŋi toko singi dosa katengepi, dupa nambame kandenge. Akali Antipasa lenge dokome yakinala naeyao nambanya kenge doko lao panao kateamopa, Satane katenge panda dokonya, akali mendapuame nyakamanya kainanya baa pyao kumasiami. Dopa piaminopapi, embame nambanya kenge doko minakondape petala, namba tungi pingi doko yakinala naeye.

1 Jone 2:19

Yandapipi dokaita naima-pipa kateamanoaka doko, yakinatala peamino dokome, dokaita naimanya daa-lamo lao kandeama. Dokaitame naima yakinala naeyao naima-pipa tole kateamali doko, dokaita naima tata-lamo lao kandeamali. Dopaka doko, naima yakinatala peamino dokome, dokaita naimanya daa-lamo lao panea.

Ibru 10:29

Dopana, Gote Ikiningi doko moko katao indyoo nepata, Kraisanya taeyoko dokome pii enenge lao yaki petae dokome baa pyoo wasiamo doko mee joo nepata, kondo kaenge Spirita doko pii koo lata pita endakali doko, tanda aipale mende nyetana lao nyakamame masilyami?

2 Timoti 4:16

Namba tange kame pinyoo, tee pyao kote lao kateo gii dokopa, akali mendaipi mendeme namba nisalanya nakatea. Endakali pitakame namba yakineamina, Goteme dokaitanya koo dupa kame sakamaipya laka lao masilyo.

2 Timoti 1:15

Propinja Esia dokonya endakali dupa pitakame namba yakineaminopa, Pijelusapa, Emojenesapa dolapome apata namba yakineambi doko embame masilyino.

Jone 8:31

Dokopa Jisasame baa tungi pilyamano leami Juu dupa lamaiyoo, “Nyakamame nambanya pii doko wata-minao katatamino doko, nyakama nambanya disaipolo angi katatami.

Luku 12:10

Akalinya Ikiningi doko pii koo lata endakali dokonya koo doko kunao nepakamaita. Dopaka doko, Oli Spirita doko lao nepata endakali dokonya koo doko kunao nepakamaiya naeyata.

Matyu 13:21

gii kuki mendatupa auu pyoo katengema. Dopaka doko, pii doko mambele kenda dupa epelyamopapi, endakali waka dupame dokaita tanda maiyoo koeyasilyaminopapi, pii doko dokaita-kisa pingi pyala naenge dokonyana, dokaita pupae isa pyakengema.

Galesia 6:12

Endakali mendapuame dapa lengema: “Kraisa poko itanya kumiana lao naimame latamano doko, Juu dupame naima tanda dyoo koeyasetamina” lengema. Dopa lengema dupame Juu dupa paka kaeyapala, endakali enomba dupanya epe joo katamana lao, nyakama yanu kepapengena lao kyeto joo lengema.

Make 4:16

Ee wai yangi kana-kisa yuu kuki singi dupanya lyandeana lalo dokonya tenge doko dake: Endakali yangimi pii doko sepala, auu kaeyao yapa nyepala,

Make 4:18

Ee wai yangi lyiki tenge palenge dupanya lyandeana lalo dokonya tenge doko dake: Endakali yangimi pii doko singimaka doko,