Make 4:15 - Enga Niu Tesamene

¹⁵ Ee wai yangi kaitininya lyandeana lalo dokonya tenge doko dake: Endakali yangimi pii doko sulu pilyaminopa, Satane doko ipupala, endakali dupanya monanya Goteme pii ee wai joo lyandelya doko nyoo nepenge.

Make 4:15 Referans Kwoze

1 Pita 5:8

Laeyone gatu pingi mendeme mende pyao nalanya maa pyao paengeli pyoo, nyakamanya yandapipi Satane dokome endakali pyao nalanya maa pyao paelyamona, nyakama tange kandao isoo kalyepape.

Matyu 13:19

Ee wai yangi kaitininya lyandeana lalo dokonya tenge doko dake: Endakali yangimi kingdom kaiti-kisa singi dokonya pii doko sepala tenge angi doko nanyilyaminopa, koo akali doko ipupala, pii Goteme endakali dupanya monanya ee wai joo lyandelya doko nyoo nepenge.

Luku 8:12

Ee wai yangi kaitininya pao siana lalo dokonya tenge doko dake: Endakali yangimi Gotenya pii doko sepala tungi pyataminopa, Goteme pyoo nyetame-lao Satane doko ipupala, pii doko monanya nasina lao nyoo nepenge.

Make 4:4

Pupala lyandeamopa ee wai yangi dupa kaitininya pao sia. Sia dupa yaka dupa ipupala nao eteami.

Aposole 5:3

Dopa peteamopa Pitame baa lamaiyoo, “Ananiasa, embame aipuma Satane ipao monanya tumbina kaeyapala, yuu salimi latala muni nyipi dokonya mendatupa tange nyepala, Oli Spirita doko sambo lamaiye?

Revelesene 20:10

Dopa pitamopa, yana kapu dokopa, sambo propeta dokopa, dolapo wamba soo pyandea, kana yuli tao katenge, itate andake dokonyaka endakali minakasingi Satane doko soo pyandata. Soo pyandatatamopa, tanga-tangapi dutupa kuka kotakapi koteaka lao tanda nyoo katatami.

Revelesene 20:7

Ee kana tausene mendai doko etapatamopa, Satane anjinya palyia doko mokata.

Ibru 2:1

Tenge dokonya, pii siamano dupa yakinatamana, naimame pii siamano dupa etete masokondape pyoo masoo katapenge.

2 Tesalonaika 2:9

Gotenya loo yalenge akali doko Sataneme kyeto maitamopa ipupala, sambo mirakolopi, kalai paka pipaepi, dupa pita.

Matyu 22:5

Dokopa kalai akali dupame dopa lamaiyamiaka doko, endakali nee napenge latae dupame pii nepatala, dokaitanya masiamili pyoo, mende baanya eenya pea, mende baanya bisinisa pyaa pea.

Revelesene 12:9

Kanopato andake dokopi, baanya enjelepi, dupa watao isa pyandeami. Kanopato doko baa wambatae-waka dokome isa yuu dakenya endakali dupa pitaka minakasingi. Baanya kenge doko koo akali lata, Satane lata pingima.

Matyu 4:10

Dopa leamopa Jisasame baa lamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Ibru 12:16

Isoame baanya kaiminingi-kisa paa mendai nee napenge mendatupanya baanya moeya nyepenge dutupa salimi lea-pyaa. Dopana, nyakamanya mende kepo kolengepi, Gote yakinengepi, Isoo-yale mende katatamina kandao kalyepape.

Aposole 17:32

Endakali kumapae dupa malunya sakatasingina leamo doko sepala, yangimi lamba lao gii kaeyami. Dopa piaminopa yangimi lao pituu, “Gii mendepa embame pii dokonya latenopa dee setamana lao masilyamanona” leami.

Make 4:14

Ee pokenge dokome Gotenya pii doko ee wai joo lyandea.

Make 4:16

Ee wai yangi kana-kisa yuu kuki singi dupanya lyandeana lalo dokonya tenge doko dake: Endakali yangimi pii doko sepala, auu kaeyao yapa nyepala,