Make 2:20 - Enga Niu Tesamene

²⁰ Gii doko palitamopa, akali enda kelyenge doko nyoo patataminopa, baanya tata dupame loma soo nee nanao katatami.

Make 2:20 Referans Kwoze

Luku 17:22

Dopa latala baame disaipolo dupa lamaiyoo, “Gii doko ipatamopa, Akalinya Ikiningi dokonya yuu gii dupanya mende kandamu laka lao masetamiaka doko, angi nakandatami.

Revelesene 21:9

Dopa lateamopa, kenda kalange etasoo epea dutupa disa kalangenya tumbatae, wamba minao kateami enjele kalange dutupanya mende ipupala namba langyoo, “Sipisipi Ŋaŋa dokonya kelyalanya pilyamo enda doko nambame emba kanjale panasotoo ipu” lea.

Revelesene 19:7

Sipisipi Ŋaŋa dokonya enda kelyapenge gii doko ipatelyamona, naima mona yaepao eteke pyao baa kenge andake maimana. Baanya enda doko depa latae pitipilyamo.

2 Korina 11:27

Nambame kalai lekeleke tao tanda nyoo pio. Paa longosa namba luu napaleo. Namba lopo kaeyao, endaki nanu kaeyaowaka kateo. Paa longosa namba nee nanao kateo. Paa longosa namba kupa kaeyao yongenya pingi dupa daa jiamopa kateo.

2 Korina 11:2

Goteme nyakama nee kaengeli pyoo, nambame nyakama nee kaelyo. Nyakama wanaku mapukae, akali tole napingi dopale dupa nambame akali mendai maitona lao pii lanya seteo. Akali doko baa Kraisa.

1 Korina 7:5

Dopana, enda akalipa dolapo yonge tole pyalanya, dolaponya mendeme daa lao kaita lyokala naeyalapape. Nyakambame loma soo nee nanao kalyanya, mona mendai paliu gii kuki mendalapo kaeyatambino doko yaka. Dopaka doko, enda akalipa yonge tole pyaowani kaenge mana doko tange isepenge nanjetamo doko, Sataneme nyakamba makande pitana, maitakao dee yonge tole pyalapape.

Aposole 14:23

Lamaitala dolapome siosa dii lao isingi akali mendapu makande leambi. Dopa petala, nee nanao katao loma sepala, akali dokaitanya tungi pingima Kamongo dokonya kinginya pyaseta piambi.

Aposole 3:21

Goteme dupa pitaka enenge joo eteteaka auu pisotona lao, wamba-waka baanya propeta makande latae dupa pitaka-kisa pii lanya setea-pyaa. Dupa pitaka enenge jiseta gii doko malisoo, Kraisa baa kaiti-kisa katapenge.

Aposole 1:9

Dokopa disaipolo dupame lengeme kandatae kateaminopa, baa lanyoo kaiti-kisa pea. Peamopa kopa mendeme baa sanga pia.

Jone 17:13

Indupa emba kalyeno dokonya namba epelyo. Nambanya eteke pingi doko dokaita-kisa tumbina lao, isa yuu dakenya katao pii datupa lelyo.

Jone 17:11

Apane, emba-kisa koo mende nasingi. Embame endakali namba diino dokaita isa yuu dakenya katena latala, namba isa yuu dake yakinao, emba kalyeno dokonya epelyo. Nalimba mendai jetae katenge dopaka pyoo, dokaita mendai jetaeyaka katena, embanya kenge namba diino dokome dokaita auu pyoo isepe.

Jone 16:28

Namba Takange-kisa katao isa yuu dakenya epeo. Indupa isa yuu dake yakinatala Takange katenge dokonya patoana” Jisasame lea.

Jone 16:7

Dopaka doko, nambame nyakama kiningi langilyo: Nambame nyakama yakinatala pelyo dokome nyakama nisepae nyalapale lao pelyo. Namba napupuli doko, nisepenge Spirita doko nyakama-kisa naipupyali. Dopaka doko, namba pupala, nisepenge Spirita doko epena lato.

Jone 13:33

Wane paluma, namba gii kuki mendatupa iki nyakama-pipa tole kalyamano. Namba patatopa nyakamame namba kutatamiaka doko, namba pelyo dokonya nyakama kapa pao naipatamina lao nambame Juu dupa lamaiyoliaka pyoo indupa nyakama langilyo.

Jone 3:29

Akali enda kelyenge doko baanya enda kelyapae dokopa tole petengemba. Akali dokonya wane mona setenge dokome enda ene kelyapenge akali dokonya pii lelya doko sepala, baa eteke pingi. Dopaka pyoo namba indupa eteke andake pilyo.

Matyu 26:31

Dokopa Jisasame dokaita lamaiyoo, “Dapa lao pepa pyapae silyamo: ‘Nambame sipisipi setao katenge doko pyatopa, sipisipi dupa saa latamina’ lapae silyamo. Dopa lapae silyamo dokonya, indupa kuka gii dakepa, namba-kisa kenda ipapomo doko kandatala, nyakama pitaka isa pyakalamino.

2 Korina 6:5

konjame pingimapi, anjoo palyingimapi, yandapipi dupame naima katao kakopengemapi, lekeleke tao kalai pingipi, luu napalengepi, lopo kaengepi,

Jone 12:8

Endakali daa jepae dupa koteaka lao nyakama-pipa katatami. Dopaka doko, namba nyakama-pipa gii longo mende kalya naeyalamanona” lea.

Matyu 9:15

Dopa leaminopa Jisasame dokaita lamaiyoo, “Akali mende enda kelyapala watapae pyao, baanya tata dupa-pipa kalyamo gii dokopa, baanya tata dupame ee lao katengemape? Gii doko palitamopa, akali enda kelyenge doko nyoo patataminopa, baanya tata dupame loma soo nee nanao katatami.

Make 2:19

Dopa leaminopa Jisasame dokaita lamaiyoo, “Akali mende enda kelyapala watapae pyao, baanya tata dupa-pipa kalyamo gii dokopa, baanya tata dupa nee nala naenya kaengemape? Daa, enda kelyelya akali doko baanya tata dupa-pipa kalyamo gii dokopa, watapae pyao nee nao katengema.

Make 2:21

“Yonge pee atingi mende tii telyamopa, lapalapa kangupae enenge mendeme kii pimbala naenge. Kii pimbatamino doko, enenge doko inungunyeta dokome, atingi doko etete kanguu koeyaseta.

Luku 5:35

Gii doko palitamopa, akali enda kelyenge doko nyoo patataminopa, baanya tata dupame loma soo nee nanao katatamina” lea.