Make 16:14 - Enga Niu Tesamene

¹⁴ Maitakao 11 disaipolo dutupa nee nao peteaminopa, Jisasa baa dutupame kandena lao panea. Baa sakatatala paneamopa kandeami endakali dupame kiningi lelyaminona lao disaipolo dutupame masala naenya, tuu pyoo mona kana jiaminosa, Jisasame dutupa pyalanya lea.

Make 16:14 Referans Kwoze

1 Korina 15:5

Sakataseteamopa, Sipasame baa kandena lao panasetala, 12 disaipolo dutupame kandena lao panasiaka.

Revelesene 3:19

Nambame endakali auu kaelyo dupa pitaka pyalanya latala mana maiyoo tolasingi. Dopana, emba nee kaeyao mona kapilyepe.

Jone 20:27

Dopa latala baame Tomasa lamaiyoo, “Embanya kingi kondeme nambanya kinginya kombe dupa minao kanda. Embanya kingimi nambanya patali kombe doko mina. Minatala embame kiningina lao masepe. Sambona lao masala naeyape” lea.

Matyu 11:20

Jisasame mirakolo longo pia siti dupanya tange endakali dupa mona kapilyala naeyaminosa, baame tee pyao pyalanya lao,

Luku 24:25

Dokopa Jisasame akali dolapo lamaiyoo, “Nyakamba masepae napalenge! Propeta dupame pii leami dupa pitaka kiningina lao nyakambame yapa masala naelyambino.

Make 7:18

Tipa piaminopa baame dokaita lamaiyoo, “Nyakamame apata masala naelyamipi? Kamaka singi mende endakali mende-kisa kolandelya doko mona andaka napenya, inginya soo kamaka epenge. Dopa pilya dokome nee dupa pitaka auu pisilyamopa, endakali doko kaimala pisala naenge doko nyakamame masala naelyamipi?” lea.

Matyu 17:20

Dopa leaminopa Jisasame dokaita lamaiyoo, “Nyakamame Gote tungi napilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko yakane masete dii dopalepi mende-pyali doko, nyakamame yuu manda dake lamaiyoo, ‘Emba asa pituu omosa puu’ laminopa, lamiliaka pipyali. Dokopa nyakamame dopale mende pyaanya kokala naeyamili.

Matyu 28:17

Dokonya pao Jisasa kandatala, baa mambo piami. Dopaka doko, mendapu mona lapo paleami.

Luku 24:11

Lamaiyaminopa siami endakali dupame mee lelyaminona lao masetala, kiningi lelyaminona lao masala naeyami.

Jone 20:25

Maitakao Tomasa epeamopa disaipolo yangi dupame baa lamaiyoo, “Naimame Kamongo kanjemanona” leami. Dokopa baame dokaita lamaiyoo, “Baanya kinginya ŋili kombe dupa nambame kandatala, nambanya kingi kondeme dupa minao, baanya patali doko nambanya kingi kondeme minaowaka napito doko, nambame kiningi-lumu lao masala naeyatona” lea.

Jone 20:26

Yuu gii tukulapo pateamopa, Jisasanya disaipolo dupa andakote peteami. Gii dokopa Tomasa apata peteami. Anda kaitini dupa loko pyanyetae kateaka doko, Jisasa ipao dokaitanya kaina dokonya kalyu petala lao pituu, “Nyakama mona yaepao pilyepape” lea.

Jone 21:1

Maitakao Taibiriasa pete lemba dokonya disaipolo dupame dee kandena lao Jisasa baa dapa pyoo panea.

Jone 21:14

Jisasa baa malunya sakatatala, baanya disaipolo dupame kandena lao dakeme paa tepo pyoo panea.

Aposole 1:3

Jisasa baa tanda nao kumapala, baa kiningi sakatao lete kalyona lao baanya aposole dupame kandena lao, kaitini longo mendapuanya-kaita yuu gii 40 dutupanya aposole dupa kateami dokonya ipatapu, Gotenya kingdom dokonya lao pii lamaita pia.