Make 15:15 - Enga Niu Tesamene

¹⁵ Dokopa Pailatame endakali kambu dupa auu kaeyamili lao masetala, Barabasa doko mokokamaiya. Dopa petala amii dupame Jisasa konjame pyapala pyao yukuina lao maiya.

Make 15:15 Referans Kwoze

Jone 19:1

Dokopa Pailatame Jisasa pina leamopa, amii dupame Jisasa nyepala konjame piami.

Matyu 27:26

Dokopa Pailatame Barabasa mokokamaiya. Dopa petala amii dupame Jisasa konjame pyapala pyao yukuina lao maiya.

Make 10:34

dokaitame baa lamba lao, konjame pyao, sopokalimi pyao petala, pyao kumasetami. Dopa petataminopa, yuu gii tepo dokonya baa sakatatana” lea.

1 Pita 2:24

Naimanya koo pingi dupa dee napinya naima kumapala, mana tolatae dupanya kalyepale lao, baame naimanya koo dupa pitaka baanya yonge dokonya setapala, poko ita dokonya yukutae katea. Baa piaminopa kombe paleamo dupame nyakama saka nyia.

Jone 19:16

Dopa leaminosa Jisasa pyao yukuina lao Pailatame amii dupanya kinginya maiya. Maitiamopa amii dupame Jisasa laminao peami.

Galesia 1:19

Dokopa nambame aposole yangi dupanya mendaipi mende nakandeo. Kamongonya kaiminingi Jemesa doko iki kandeo.

Aposole 25:9

Dopa leamopa, Juu dupame Pesatusa baa auu kaena lao masetala, baame Polo lamaiyoo, “Emba-kisa tenge setelyamino dupanya nambame kote sakatopa, emba lalyoo Jerusalema patoo lao masilyipi?” lea.

Aposole 24:27

Ee kana lapoma pateamopa, Posiusa Pesatusa lenge dokome Pelikisanya panda nyia. Dokopa Juu dupame Pelikisa baa auu kaeyamili lao masetala, Polo baa anjetae palena kaeyapala pea.

Luku 18:33

Dopa petala, dokaitame baa konjame pyapala pyao kumasetataminopa, yuu gii tepo dokonya baa sakatatana” lea.

Matyu 20:19

Dopa latala, baa lamba lao, konjame pyao petala, poko itanya pyao yukuina lao, akali tata waka dupanya kinginya maitami. Dopaka doko, yuu gii tepo dokonya baa sakatatana” lea.

Make 15:14

Dopa leaminopa Pailatame dokaita lamaiyoo, “Aipuma? Baame koo aki mende pipyape?” lea. Dopa leaka doko dokaitame lao pituu, “Baa pyao yuku!” lao eteteaka puu lao leami.

Luku 23:16

Dopana, nambame baa kende konjame pyapala yakinatoana” lea.