Make 14:49 - Enga Niu Tesamene

⁴⁹ Nambame koteaka lao lotuu anda nee nyetae kamapu dokonya mana langyoo nyakama-pipa kateo dokopa, nyakamame namba anjala naeyami. Dopaka doko, Gotenya pii pepa pyapae singi dupa angi jina lao datupa pilyamona” lea.

Make 14:49 Referans Kwoze

Jone 18:20

Dokopa Jisasame baanya pii yanu pyakamaiyoo, “Juu dupa kambu pingi lotuu anda dupanyapi, lotuu anda nee nyetae kamapu dokonyapi, nambame koteaka lao mana lamaiyo. Nambame pii mende yalo pyoo naleo. Isa yuu dakenya endakali dupa pitakame sina lao nambame panao leo.

Jone 8:2

Yongama wamba utunya baa lotuu anda nee nyetae kamapu dokonya deaka ipao katea. Dokopa Israele tata dupa pitaka epeaminopa, baa pitipala dupa mana lamaiya.

Luku 22:37

Gotenya pii pepa pyapae singi dake namba-kisa angi jepenge: ‘Loo yalenge dupa-pipa baa apata nyoo palyoo itaki piamina’ lao pepa pyapae singi doko indupa namba-kisa kaeyala naeyao angi jilyamona lao nambame nyakama langilyona” lea.

Make 12:35

Jisasame lotuu anda nee nyetae kamapu dokonya mana lao pituu, “Mosesanya loo mana nyepae dupame Kraisa doko Dapitanya ikiningina lengema doko, aipa pyoo kandatala lengema?

Matyu 26:56

Dopaka doko, propeta dupame pii pepa piami dupa angi jina lao datupa pitaka pilyamona” lea. Dokopa disaipolo dupa pitakame baa yakinatala paka peami.

Matyu 26:54

Namba nisina lapuli doko, namba-kisa pipenge dupa dopa pipengena lao Gotenya pii pepa pyapae singi doko aipa petala angi jipyalipi?” lea.

Matyu 1:22

Dupa pitaka pia dokome, Kamongome propeta mende-kisa lao pituu, “Salapape! Wanaku mapukae, akali tole napingi mende, wane tongota pitipala wane ane mende mandita. Wane dokonya kenge doko Emanuele latamina” lapae singi doko angi jia. (Emanuele dokonya tenge doko, Gote naima-pipa katenge.)

Jone 10:23

Dokopa Jerusalema lotuu anda nee nyetae kamapu dokonya veranda kaname petae Solomonenya lenge dokonya Jisasa baa paeya.

Jone 8:12

Dokopa Jisasame deaka dokaita lamaiyoo, “Yuu dake tii pisingi doko namba. Namba watao ipata endakali doko-kisa lete katenge tii pipae doko setamopa, iminjetae dokonya baa napaeyatana” lea.

Jone 7:37

Nee andake nenge dokonya gii etao doko, gii andake mende. Gii dokonya Jisasa toeya katapala puu lao, lao pituu, “Endakali mende endaki nanu kaeyateno doko, namba kalyo dakenya endaki nala ipupi.

Luku 19:47

Baame koteaka lao lotuu anda nee nyetae kamapu dokonya mana lamaiyoo kateamopa, prisa mupapi, Mosesanya loo mana nyepaepi, endakali dupanya isingi akalipi, dupame baa aipa petala pyao kumasemape lao kaitini kutiami.

Make 11:27

Dokaita Jerusalema deaka ipupala, Jisasa baa lotuu anda nee nyetae kamapu dokonya paeya. Dokopa, prisa mupapi, Mosesanya loo mana nyepaepi, Juumanya isingi akalipi, dupa ipupala baa tipa pyoo, “Embame kalai pilyino datupa kyeto aipale mendeme pilyi? Kyeto doko apimi emba ditala pii lamupa pilyipi?” leami.

Matyu 26:55

Awa mendai dokonyaka Jisasame endakali kambu dupa lamaiyoo, “Pake nenge mende anjala epele lao nyakamame konjuwapi, kolyepepi dupa minao namba anjala epelyamipi? Nambame koteaka lao lotuu anda nee nyetae kamapu dokonya mana langyoo nyakama-pipa peteo dokopa, nyakamame namba anjala naeyami.

Make 10:1

Jisasa baa yuu doko yakinatala, endaki Jodane yangitena-kaita pupala, Judia pyakamea. Dokopa endakali kambu mendapu baa katea dokonya deaka ipao kambu piami. Dopa piaminopa, baame mana lamaingiliaka pyoo, endakali dupa deaka mana lamaiya.

Make 14:48

Dokopa Jisasame dokaita lamaiyoo, “Pake nenge mende anjala epele lao nyakamame konjuwapi, kolyepepi dupa minao namba anjala epelyamipi?

Make 14:50

Dokopa baa-pipa kateami dupa pitakame baa yakinatala paka peami.