Make 14:35 - Enga Niu Tesamene

^35-36 Dopa latala baa kuki umbisale pao, yuunya tombauli sepala, gii doko baa-kisa naipupenge jetamo doko, naepena lao loma sia. Loma soo pituu, “Apane, Apane, embame dupa pitaka pingi. Kapo kenda paleta dake embame nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Make 14:35 Referans Kwoze

Make 14:41

Maitakao, paa tepo pyoo baa ipupala dokaita lamaiyoo, “Nyakama koto nyoo luaka paliu silyamipi? Nyakama yaka luu palipilyamino. Gii doko ipatelyamo. Akalinya Ikiningi doko koo pingi endakali dupanya kinginya maiyapomona, naima mona sakatalapa. Namba yandapipi dupanya kinginya maiyapomo akali doko ipatelyamona kanjepa” lea.

Revelesene 5:14

Dokopa ema pingi kitomende dutupame “Doko kiningina” leamino sio. Dokopa isingi akali dutupa luma lakapala dolapo mambo piami.

Ibru 5:7

Jisasa baa endakali jetala kateamo gii dutupanya, baa kumata dokonya pyoo nyepenge Gote dokome nisina lao, yako lao ee lao loma soo katea. Baame Gote anda-anda semaiyoo kateamo dokonya, Goteme baanya loma siamo dupa sakamaiya.

Matyu 26:39

Dopa latala baa kuki umbisale pao, yuunya tombauli sepala loma soo pituu, “Apane, kapo kenda paleta mende nalapo dake embame nyoo nepakapenge jia-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Revelesene 4:10

isingi akali 24 dutupame akali kataowaka katenge kiŋi toko dokonya petenge dokonya enombanya luma lakapala, baa mambo pyalanya dokaitanya kiŋi balu dupa pukunya kiŋi toko dokonya enombanya pyasetala lao pituu,

Matyu 26:45

Loma sepala, baanya disaipolo dupa kateami dokonya ipupala dokaita lamaiyoo, “Nyakama koto nyoo luaka paliu silyamipi? Salapape! Gii doko ipatelyamo. Akalinya Ikiningi doko koo pingi endakali dupanya kinginya maiyapomona, naima mona sakatalapa. Namba yandapipi dupanya kinginya maiyapomo akali doko ipatelyamona kanjepa” lea.

Luku 22:41

Dopa latala baame dokaita yakinatala, omosale pao luma lakapala loma sia.

Jone 12:23

Lamaiyambinopa Jisasame dolapo lamaiyoo, “Akalinya Ikiningi doko kenge andake nyepenge gii doko ipatelyamo.