Make 14:23 - Enga Niu Tesamene

²³ Dopa petala baame kapo waene peteta mende nyepala, Gote yaka pilyino latala dokaita maiya. Maiyamopa dokaita pitakame nyoo neami.

Make 14:23 Referans Kwoze

Make 14:22

Dokaita nee nao pituu, Jisasame breta mende nyepala, Gote yaka pilyino latala konjia. Konjepala dutupa maiyoo pituu, “Dake nambanya yonge dokona, nyoo nalapa” lea.

Matyu 26:27

Dopa latala baame kapo waene peteta mende nyepala, Gote yaka pilyino latala, dokaita maiyoo pituu, “Dake nambanya taeyoko doko. Taeyoko kai lelyo dakeme endakali longonya koo dupa kunao nepao, pii enenge mende lao yaki pinya setelyona, nyakama pitakame nyoo nalapa.

1 Korina 10:16

Kapo waene peteta mende Goteme auu pisina latala nelyamano dokome, naima Kraisanya taeyoko doko-pipa nyoo pyasala naengepe? Naimame breta konjoo nelyamano dokome, naima Kraisanya yonge doko-pipa pyasala naengepe?

Roma 14:6

Yuu gii mendai doko andakena lao masetala auu pyoo kandao nyilya endakali dokome Kamongo mambo pyao kandao nyingi. Yuu gii mendai doko andakena lao masetala auu pyoo kandao nanyilya endakali dokome Kamongo mambo pyaowaka kandao nanyingi. Nee tata dupa pitaka nenge endakali dokome, Gote yaka pilyino latala nelya dokome, Kamongo mamboaka pingi. Nee tata mendapu wandilya endakali dokome Kamongo mamboaka pyao wandingi. Dopa pyoo pituu baame Gote yaka pilyino lengeaka.

Luku 22:17

Dopa latala baame kapo waene peteta mende nyepala, Gote yaka pilyino latala lao pituu, “Dake nyepala nyakamame kapa-kapa lao mokosoo nalapa.

Make 14:24

Dokopa baame dokaita lamaiyoo, “Dake nambanya taeyoko doko. Taeyoko kai lelyo dakeme endakali longo nisoo, pii enenge mende lao yaki pinya setelyo.