Make 14:21 - Enga Niu Tesamene

²¹ Akalinya Ikiningi doko kumala pupengena lao pepa pyapae singi dokonya, dopaka pyaapomo. Dopaka doko, Akalinya Ikiningi doko yandapipi dupanya kinginya maiyapomo akali doko baa koeyalapomo! Akali doko endangimi namandeali doko yaka jialina” lea.

Make 14:21 Referans Kwoze

Jone 19:28

Dokopa Jisasame baanya kalai pipenge dutupa pitaka pyoo etapelyo lao kandatala, Gotenya pii pepa pyapae singi doko angi jina lao, baame lao pituu: “Namba endaki nanu pyumuna” lea.

Aposole 4:27

Erotepi, Pondiasa Pailatapi, akali tata wakapi, Israelepi, dupame embanya kalai akali, aiyomba minani pyoo makande latae Jisasa doko pyamana lao kiningi kambuiyami.

Aposole 2:23

Tanga pita kandenge Gote dokome dopa pitana lao masiali pyoo, nyakamame Jisasa anjiami. Dopa petala, nyakamame baa pyao kumasemana latala, loo yalenge akali mendapuanya kinginya maiyaminopa, dupame baa pyao yukuiyami.

Matyu 26:56

Dopaka doko, propeta dupame pii pepa piami dupa angi jina lao datupa pitaka pilyamona” lea. Dokopa disaipolo dupa pitakame baa yakinatala paka peami.

Matyu 26:54

Namba nisina lapuli doko, namba-kisa pipenge dupa dopa pipengena lao Gotenya pii pepa pyapae singi doko aipa petala angi jipyalipi?” lea.

Luku 24:44

Napala baame dokaita lamaiyoo, “Namba nyakama-pipa kateamano gii dokopa, pii nyakama langio dupa dapa lao leo: Mosesanya loo dupanyapi, Propeta dupanyapi, Wee Buku dokonyapi, dupanya pii namba lao pepa pyapae singi dupa pitaka angi jepenge jilyamona leona” lea.

Luku 22:22

Goteme masiamo dokonya-kaita Akalinya Ikiningi doko kiningi kumala pupenge. Dopaka doko, baa yandapipi dupanya kinginya maiyapomo akali doko koeyalapomona!” lea.

Make 14:49

Nambame koteaka lao lotuu anda nee nyetae kamapu dokonya mana langyoo nyakama-pipa kateo dokopa, nyakamame namba anjala naeyami. Dopaka doko, Gotenya pii pepa pyapae singi dupa angi jina lao datupa pilyamona” lea.

Make 14:20

Dopa leaminopa baame dokaitanya pii yanu pyakamaiyoo, “Breta disanya poeyanyoo nao pilyamano, nyakama 12 disaipolo datupanya mendeme namba yandapipi dupanya kinginya maiyapomo.

Make 14:22

Dokaita nee nao pituu, Jisasame breta mende nyepala, Gote yaka pilyino latala konjia. Konjepala dutupa maiyoo pituu, “Dake nambanya yonge dokona, nyoo nalapa” lea.