Make 13:27 - Enga Niu Tesamene

²⁷ Gii dokopa poo kitomende dutupapi, yuu lembapi, kaiti lembapi, dupanya baanya enjele dupa pupala, baanya endakali yapao nyepae dupa nyoo kambu pyekena latana” lea.

Make 13:27 Referans Kwoze

Matyu 24:31

Dokopa trampeta mende puu lao pyatamopa, poo kitomende dutupapi, kaiti lembapi, dupanya baanya enjele dupa pupala, baanya endakali yapao nyepae dupa nyoo kambu pyekena latana” lea.

2 Tesalonaika 2:1

Kaimii paluma, naimanya Kamongo Jisasa Kraisa ipata gii dokopa, Goteme naima nyoo kambu pyata gii dokopa, dolaponya lao naimame pii dake nyakama langilyamano: Kraisanya gii doko ipateana lao endakali mendapuame moname masetala latamipi, spirita mendeme lungu pitamopa latamipi, naimame pepa mende pyao pyasiamina lao sambo latamipi, dupa nyakamame sepala, yapa walu lao paka nakaeyalapape lao kyeto joo lelyamano.

Luku 16:22

Akali tipya doko kumateamopa, enjele dupame nyoo pupala, Abraame katea dosa katena leami. Dokopa yuunya kamongo doko apata kumateamopa malu piami.

Make 13:20

Yuu gii dutupa Kamongome muu pisala naeyatamo doko, endakali mendaipi mende pyoo nyepae nakatata. Dopaka doko, baanya yapao nyepae dupa masetala, yuu gii dutupa muu piseta.

Matyu 13:41

Akalinya Ikiningi dokome baanya enjele dupa epena latamopa, dupa ipupala, koo pina lao mapusingipi, Gotenya loo yalengepi, dupa baanya kingdom dokonya nakatena lao yapao nyepala,

1 Pita 1:2

Jisasa Kraisanya taeyoko doko nyakama-kisa tandyoo pisetamopa, nyakamame baa wata-minataminopa lao, tanga pita kandenge Takange Gote dokonya Spirita dokome nyakama Gotenya latae kalyepale lao yapao nyia. Gotenya kondo kaenge dokopa, mona yaepenge dokopa, dolapo nyakama-kisa longo lao sipya laka lao masilyo.

2 Timoti 2:10

Tenge dokonya, Goteme pyoo nyingi Jisasa Kraisa-kisa singi doko Gotenya endakali yapao nyepae dupame apata nyepala, tii pipae tanga-tangapi soaka pupenge dokonya katena lao, namba tanda nelyo dupa pitaka tanda naowaka katato.

Kolosi 3:12

Dopana, nyakama Goteme yapao nyepala baanya latae, baame auu kaenge endakali dupame kondo kaengepi, andiki pingipi, anasale joo katengepi, tambo-tambo lao katengepi, yapa imbu nakaengepi, mana dupa yonge pee joo petae kalyepape.

Roma 8:33

Endakali tolataena lenge kalai doko Gotenya. Dopana, apimi endakali baanya yapao nyepae dupa-kisa tenge setata?

Jone 11:52

Pii lea doko, Jisasa kumata dokome Juu tata dupa iki nisetana lao nalea. Baa kumata dokome Gotenya wane yuu waka dupanya katenge dupa nyoo pyasoo, kambu mendai jina latana lao lea.

Jone 10:16

Nambanya sipisipi mendatupa kame dakenya nakalyamino dupa apata nambame lanyepenge. Lanyepatopa dupame nambanya pii setami. Dokopa sipisipi dupa pitaka tata mendai katataminopa, setao katenge mendaiyaka katata.

Luku 18:7

Gotenya yapao nyepae endakali dupame kuka kotakapi wii lao loma soo katataminopa, dupanya kenda dupa Goteme yapa tolasakamaiya naeyatape? Baame dupa yapa nisala naeyao, gii longo nepao malisoo katatape?

Matyu 24:22

Yuu gii dutupa muu pisala naeyatamo doko, endakali mendaipi mende pyoo nyepae nakatata. Dopaka doko, endakali yapao nyepae dupa masetala, yuu gii dutupa muu piseta.

Matyu 13:49

Dopaka pyoo, yuu etatamo gii dokopa, enjele dupa ipupala, endakali koo pingi dupa endakali tolatae dupanya kainanya nakatena lao yapao nyepala,

Matyu 12:42

Kuini enda kingi tolaetena tange dokome yuu londati-waka pituu, Solomonenya masepae epe dupanya pii dupa nyotoo lao epea. Salapape! Mendita mendeme Solomone ita minao asa silyamo. Tenge dokonya, Goteme endakali dupa yapatamo gii dokopa, kuini enda kingi tolaetena tange doko endakali indupa palelyamino dupa-pipa sakatatala, dupa tenge setapala tanda maipengena latana” lea.

Make 13:28

“Nyakamame piki ita dupanya mana dake nyalapape: Piki ita dupanya mange popo pilya dupa kandatala, paina pyaanya tengesa pilyamona lao nyakamame masingima.