Make 12:44 - Enga Niu Tesamene

⁴⁴ Endakali dokaitame nyakamanya muni longo sipya dupanya kakana nyoo pyandalamino. Dopa piminopa, enda daa jepae dakeme baa tange napenge sipya dupa pitaka pyandalamona” lea.

Make 12:44 Referans Kwoze

1 Jone 3:17

Akali mende-kisa isa yuu dakenya oapi dupa setamopa, baanya Kristene kaiminingi mende daa jeta doko kandatala kondo kaeyao nisala naeyatamo doko, Gotenya auu kaenge doko baa-kisa aipa petala seta?

Make 14:8

Enda dakeme pipenge jipya doko pyomo. Nambanya yonge doko malu pipenge dokonya depa lasoo, wele tunduma pipae doko baame namba-kisa kai lakalamo.

Luku 15:30

Dopaka doko, embanya ikiningi dakeme embanya oapi dupa pitaka enda muni nyoo akali nyala paenge dupa-kisa etasetakala ipumupa, embame kao ŋaŋa kendatae doko pyao yangakamaiyene-lamona!’ lea.

Luku 15:12

Wane kole dokome baanya takange doko lamaiyoo, ‘Apane, embanya muni oapipi namba nyepenge dupa mokosoo dii’ lea. Dokopa takangeme baanya oapi dupa wane dolapo mokosoloo pyakamaiya.

Luku 8:43

Dokopa enda mende yuu gii dii lao andaka nao paliu, ee kana 12 pitaka petenge doko kambu dokonya katea. Enda dokome baanya muni sia dupa pitaka dokosa longo-kisa nepeaka doko, dokosa dupanya mendeme baanya yaina doko etasakamaiya naeya.

Make 12:43

Dokopa Jisasame baanya disaipolo dupa epena latala lamaiyoo, “Nambame nyakama kiningi langilyo: Opaa pyandenge penge dokonya enda walyakae daa jepae dakeme muni pyandalamo dokome, endakali waka dupame muni pyandalamino dupa pitaka ita minao pyandalamo.