Make 12:35 - Enga Niu Tesamene

³⁵ Jisasame lotuu anda nee nyetae kamapu dokonya mana lao pituu, “Mosesanya loo mana nyepae dupame Kraisa doko Dapitanya ikiningina lengema doko, aipa pyoo kandatala lengema?

Make 12:35 Referans Kwoze

Matyu 26:55

Awa mendai dokonyaka Jisasame endakali kambu dupa lamaiyoo, “Pake nenge mende anjala epele lao nyakamame konjuwapi, kolyepepi dupa minao namba anjala epelyamipi? Nambame koteaka lao lotuu anda nee nyetae kamapu dokonya mana langyoo nyakama-pipa peteo dokopa, nyakamame namba anjala naeyami.

Jone 18:20

Dokopa Jisasame baanya pii yanu pyakamaiyoo, “Juu dupa kambu pingi lotuu anda dupanyapi, lotuu anda nee nyetae kamapu dokonyapi, nambame koteaka lao mana lamaiyo. Nambame pii mende yalo pyoo naleo. Isa yuu dakenya endakali dupa pitakame sina lao nambame panao leo.

Luku 21:37

Yuu gii dii lao, lotuu anda nee nyetae kamapu dokonya Jisasame mana lamaitapu, yuu kuiyala epeamopa, Olipimanda lenge dokonya pao palipa pia.

Luku 20:1

Gii dutupanya mendenya Jisasame lotuu anda nee nyetae kamapu dokonya endakali dupa mana lamaiyoo pituu, wai pii epe doko lao panao katea. Dokopa prisa mupapi, Mosesanya loo mana nyepaepi, isingi akalipi, dupa baa katea dokonya epeami.

Luku 19:47

Baame koteaka lao lotuu anda nee nyetae kamapu dokonya mana lamaiyoo kateamopa, prisa mupapi, Mosesanya loo mana nyepaepi, endakali dupanya isingi akalipi, dupame baa aipa petala pyao kumasemape lao kaitini kutiami.

Make 11:27

Dokaita Jerusalema deaka ipupala, Jisasa baa lotuu anda nee nyetae kamapu dokonya paeya. Dokopa, prisa mupapi, Mosesanya loo mana nyepaepi, Juumanya isingi akalipi, dupa ipupala baa tipa pyoo, “Embame kalai pilyino datupa kyeto aipale mendeme pilyi? Kyeto doko apimi emba ditala pii lamupa pilyipi?” leami.

Matyu 9:27

Jisasa yuu doko yakinatala peamopa, akali lenge monda mendalapome wii lao, “Dapita Ikiningi, embame nalimba kondo kaeyapoko!” lao baa watao peambi.

Make 10:1

Jisasa baa yuu doko yakinatala, endaki Jodane yangitena-kaita pupala, Judia pyakamea. Dokopa endakali kambu mendapu baa katea dokonya deaka ipao kambu piami. Dopa piaminopa, baame mana lamaingiliaka pyoo, endakali dupa deaka mana lamaiya.

Make 14:49

Nambame koteaka lao lotuu anda nee nyetae kamapu dokonya mana langyoo nyakama-pipa kateo dokopa, nyakamame namba anjala naeyami. Dopaka doko, Gotenya pii pepa pyapae singi dupa angi jina lao datupa pilyamona” lea.