Make 12:28 - Enga Niu Tesamene

²⁸ Mosesanya loo mana nyepae dupanya mende ipao katea dokome Sadyusi dupame Jisasa pii yanda pimaiyami dupa sepa, Jisasame dokaitanya pii auu pyoo yanu pyakamaiya dupa sepaka pia. Dopa petala akali dokome Jisasa tipa pyoo, “Mana setapae dupa pitakanya anduku etete mupape?” lea.

Make 12:28 Referans Kwoze

Luku 20:39

Dopa lateamopa, Mosesanya loo mana nyepae mendapuame pii yanu pyao, “Mana Lenge, embame pii auu pyoo lelyenona” leami.

Matyu 19:18

Dopa leamopa wane patange dokome baa lamaiyoo, “Mana setapae dupa andutupape?” lea. Dokopa Jisasame lao pituu, “Endakali pyao kumasala naeyape. Kepo kolala naeyape. Pake nala naeyape. Endakali mende sambo lao kotimi laa naeyape.

Matyu 5:19

Dopana, mana setapae datupanya kuki etete mende endakali mendeme yalatala, endakali waka dupame dopaka pyoo yalena lao mana lamaitamo doko, kingdom kaiti-kisa singi dokonya baa kenge nasingi, etete daana latami. Dopaka doko, endakali mendeme mana setapae datupa wata-minatala, endakali waka dupame dopaka pyoo wata-minina lao mana lamaitamo doko, kingdom kaiti-kisa singi dokonya baa kenge andake singina latami.

Luku 11:42

“Nyakama Parasi dupa koeyatami. Nyakamame takaepi, itamaiyapi, sakaenge tata waka dupa pitakapi, dupa malu akalita mokosoo setapala, dutupanya malu mendai Gote maingima. Dopa pingimaka doko, mana epeme endakali tolasingi dokopa, Gote auu kaenge dokopa, dolapo nyakamame yakinengema. Nyakamame mana dolapo wata-minao katao, mana waka dupa yakinala naeyapenge.

Matyu 23:23

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame takaepi, mondaipi, itamaiyapi dupa malu akalita mokosoo setapala, dutupanya malu mendai Gote maingima. Dopa pingimaka doko, mana epeme endakali tolasingipi, kondo kaengepi, Gote tungi pingipi, loo andake dutupa nyakamame wata-minala naengema. Nyakamame loo dutupa wata-minao katao, loo waka dupa yakinala naeyapenge.

Make 9:14

Disaipolo yangi dupa kateami dokonya Jisasa ipupala kandeamopa, endakali kambu andake mendeme disaipolo dupa katao kakopeaminopa, Mosesanya loo mana nyepae mendapu katapala, disaipolo dupa-pipa pii yanda pyoo kateami.