Make 12:17 - Enga Niu Tesamene

¹⁷ Dokopa Jisasame dokaitanya pii yanu pyakamaiyoo, “Sisanya dupa Sisa tange maiyakamaiyepape. Gotenya dupa Gote tange maiyakamaiyepape” lea. Jisasame dopa leamopa dokaitame baa paka kaeyao walu leami.

Make 12:17 Referans Kwoze

Roma 13:7

Tenge dokonya, nyakamame gapomanenya kalai akali dupa-kisa mana minapenge dupa pitaka minalapape: Takisa nyingima endakali dupa takisa tata-tata dupa pitaka maiyepape. Paka kaeyapenge endakali dupa paka kaeyalapape. Anda-anda semaipenge endakali dupa anda-anda semaiyepape.

1 Pita 2:17

Nyakamame endakali dupa pitaka anda-anda semaiyepape. Kristene kaiminingi dupa auu kaeyalapape. Gote paka kaeyalapape. Kiŋi dupa anda-anda semaiyepape.

Roma 6:13

Nyakamanya yongenya katenge dupame mana koo minina lao kaeyala naeyalapape. Goteme nyakama malunya sakatasiamo dokonya nyakama lete kalyamanona lao masetala, nyakama tange etao baa maitala, nyakamanya yongenya katenge dupame Gotenya mana tolatae dupa minina lao kalyepape.

Roma 12:1

Kaimii paluma, Goteme nyakama kondo kaeyana lao masetala, kundi maili pyoo nyakama tange Gote kundi maitae kalyepale lao kyeto joo lelyo. Nyakama Gotenya latae katao moname Gote mambo pyataminopa, Gotenya enomba dokonya auu pyaapomo.

Matyu 22:46

Dopa lateamopa, endakali mendeme Jisasanya pii doko kapa pao yanu pyapenge nanjia. Gii dokonya pituu, endakali mendaipi mendeme baa pii mende dee tipa pyaanya paka kaeyami.

Matyu 22:22

Pii doko sepala, dokaita paka kaeyao walu latala, baa yakinatala peami.

Make 12:30

Embanya monapi, embanya imambupi, embanya masingipi, embanya kyetopi, dutupa pitakame embanya Kamongo Gote doko auu kaeyape.’ Mana setapae doko etete mupa doko.

Matyu 22:33

Dopa leamopa, endakali kambu piami dupame Jisasanya mana leamo dupa sepala, walu lao paka kaeyami.

Matyu 8:10

Dopa leamopa, Jisasame pii doko sepala baa walu lea. Walu latala endakali baa watao epeami dupa lamaiyoo, “Nambame nyakama kiningi langilyo: Akali dakeme namba tungi pilyamoli pyoo, Israele mendeme namba tungi pyaminopa nambame nakandapu.

Matyu 22:21

Dopa leamopa dokaitame baa lamaiyoo, “Sisanya kalyamona” leami. Dokopa baame dokaita lamaiyoo, “Sisanya dupa Sisa tange maiyakamaiyepape. Gotenya dupa Gote tange maiyakamaiyepape” lea.

Make 12:16

Dokopa dokaitame muni konde mende nyoo maitiaminopa, baame dokaita lamaiyoo, “Muni konde dakenya apinya lenge-lyaapi, kengepi dupa kalyape?” lea. Dopa leamopa dokaitame baa lamaiyoo, “Sisanya kalyamona” leami.

Luku 20:25

Dokopa baame dokaita lamaiyoo, “Sisanya dupa Sisa tange maiyakamaiyepape. Gotenya dupa Gote tange maiyakamaiyepape” lea.