Make 10:38 - Enga Niu Tesamene

³⁸ Dopa leambinopa Jisasame dolapo lamaiyoo, “Nyakambame tee lelyambino doko masala naeyao tee lelyambino. Nambame kapo kenda paleta mendenya nalapo dokonya nyakambame kapa pao natambipi, pande nambame kaimbu kenda paleta mende nyalapo doko nyakambame kapa pao nyetambipi?” lea.

Make 10:38 Referans Kwoze

Luku 12:50

Nambame kaimbu kenda paleta mende nyepenge doko ene ipumupa, mona etete kenda pilyamo. Kaimbu doko nyoo etato dokopa yaka jeta.

Jone 18:11

Dokopa Jisasame Pita lamaiyoo, “Nambanya Takangeme kenda paleta kapo mende namba dia doko nambame nala naeyapengepe? Embanya konjuwa doko palenge andanda dokonya mandi” lea.

Jemesa 4:3

Goteme dopale mende dina lao tee lengemaka doko, nyakamame kopeta masetala, nyakamanya koo pyoani kaenge dupanya muni nepao pimana lao tee lelyaminosa nanyingima.

Roma 8:26

Naima kyeto nasingi dupame loma silyamano dupanya aipa lao loma silyamape lao masala naeyao mona andaka ee lao kalyamanopa, Spirita dokome naima nisoo, endakali piimi lapenge nanjoo ee lao loma sekenge.

Luku 22:42

Loma soo pituu, “Apane, kapo kenda paleta mende nalapo dake embame nyoo nepakatoo lao masii-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Matyu 26:39

Dopa latala baa kuki umbisale pao, yuunya tombauli sepala loma soo pituu, “Apane, kapo kenda paleta mende nalapo dake embame nyoo nepakapenge jia-kandeno doko, nyoo nepakape. Dopaka doko, nambame masilyo dokonya-kaita napipi. Embame masilyino dokonya-kaita pipi” lea.

Matyu 3:6

Pupala dupanya koo dupa lao panata piaminopa, baame endaki Jodane dokonya dupa kaimbu pyata pyakamaiya.